Je T'aime Beaucoup
4.5
關於 Je T' aime Beaucoup

想知今年有咩熱選款式,即睇Je T'aime全新婚紗晚裝系列。


魚尾婚紗 隆重登場

Je T'aime以簡約主義為理念,由本地設計師精心設計婚紗晚裝。2019-2020全新系列陸續登場,主打浪漫迷人嘅魚尾、露背款式,突顯新娘子優美體態。設計師為身材嬌小嘅香港新娘度身設計,以立體剪裁加上lace、綢緞、閃鑽等細節點綴,不但發揮無限創意,大大提升婚紗嘅立體感,充份展現新娘子個人魅力。


貼心服務 稱身嫁衣

一生披一次嫁衣,喺眾多婚紗晚裝面前,新娘子難免心大心細。Je T'aime婚嫁團隊會就新娘子嘅身型比例、婚禮主題等因素,提供專業意見,幫新娘子尋找婚紗the one。此外,Je T'aime提供高級訂製服務,由資深裁縫師為新娘子度身、修改同製作婚紗,成為獨一無二嘅稱身嫁衣。



最新評論
整體滿意度
4.5
過濾評語:
Mandy
4
精選評論
我婚禮所有嘅衫包括婚紗、禮服、裙褂甚至奶奶衫都係依間度租🤣新娘裙好滿意嘅,不過如果奶奶衫可以多少少修身款就更好啦。我地上去就會有ipad睇下有冇啱心水嘅裙,2個職員都會幫我係好多唔同角度影相、拍片🥰因為佢地d裙都幾特別,閃閃地嘅⭐尤其係燈光打落黎嘅時候,影相都要就下角度,所以覺得佢哋幾貼心😆…

我婚禮所有嘅衫包括婚紗、禮服、裙褂甚至奶奶衫都係依間度租🤣新娘裙好滿意嘅,不過如果奶奶衫可以多少少修身款就更好啦。我地上去就會有ipad睇下有冇啱心水嘅裙,2個職員都會幫我係好多唔同角度影相、拍片🥰因為佢地d裙都幾特別,閃閃地嘅⭐尤其係燈光打落黎嘅時候,影相都要就下角度,所以覺得佢哋幾貼心😆

婚紗禮服
Vean
5
精選評論
我開頭比較過啲租婚紗嘅公司,有啲係去到試一件都要俾錢,但係 Je T'aime就無試衫費,同佢哋嘅溝通過程好舒服,唔會有hard sell,佢哋嘅staff好專業,真係幫我揀到啱我嘅衫,唔會限制我試。佢哋嘅環境雖然唔係好大,但係整體係舒服嘅,有好多款式可以揀。我開頭揀咗條主婚紗,但係晚裝揀唔啱,所以嗰陣就join咗個最…

我開頭比較過啲租婚紗嘅公司,有啲係去到試一件都要俾錢,但係 Je T'aime就無試衫費,同佢哋嘅溝通過程好舒服,唔會有hard sell,佢哋嘅staff好專業,真係幫我揀到啱我嘅衫,唔會限制我試。佢哋嘅環境雖然唔係好大,但係整體係舒服嘅,有好多款式可以揀。我開頭揀咗條主婚紗,但係晚裝揀唔啱,所以嗰陣就join咗個最平嘅plan,會包一條婚紗同兩條晚裝,仲跟埋啲頭紗用每一套婚紗晚裝會用嘅耳環。佢哋返新款返得密,之後幾個月一有新款佢哋就會call我上去試,試完揀到啲晚裝,我先再加plan,喺佢哋度揀埋媽咪衫同一套男裝禮服,禮服仲襯埋個煲呔,有咁樣嘅一條龍服務就唔洗煩啦😆。

試衫嘅時候我有想法想試某啲款,佢會俾我試,但係之後就會建議返有其他款我會著得靚啲;有啲太低胸嘅我唔敢試,佢都會好鼓勵我試下。最後揀到嘅款都係佢推薦俾我嘅,我自己又好鍾意😍。中間我想轉晚裝佢哋都俾我轉,因為我心大心細,揀完之後問咗啲朋友同事意見就想轉,覺得隻色好似唔係好襯我,又驚同啲姐妹裙同backdrop撞,真係好困擾。所以我會成日問負責我個case嘅同事Jessie意見,成日煩住佢咁,話邊件邊件試咗好似好啲,係咪可以轉嗰件呀,前前後後我上去試都試咗三四次,我自己都覺得好煩,但係佢哋好專業好有耐性🥺,無咩所謂咁一直俾我試,最緊要係我試得啱,成個過程好舒服😚。

我去試衫嘅時候,唔記得係我遲咗上去定係試到over咗個時間,不過佢哋有其他同事嘅,有陣時就會overlap,我同第二pair會同時喺度試緊,但係我無所謂,因為有個direct嘅同事幫我,就唔洗等啦。不過佢哋嘅地方會細少少,我可以接受多有另外一pair新人一齊試,但係再多一pair就會有啲逼,個空間會好多人好嘈,試衫想私隱少少,有陣時有啲唔識嘅人喺度又會有啲尷尬,所以如果佢哋之後有能力可以擴充下就更加好啦🙈。

Big day嗰日親戚朋友都讚件衫好靚,同我自己嘅style好似,我好鍾意啊🥰。我已經介紹咗 Je T'aime俾嚟緊結婚嘅朋友啦,佢哋性價比好高,風格又好多元化,有我自己鍾意簡約啲、清新啲同性感但唔會太暴露嘅款,又有elegant嘅款,所以好多人都會啱啦🥳。

婚紗禮服
最新優惠
聯絡商戶