我上門市睇佢哋嘅衫係因為我朋友租過佢哋嘅衫，介紹咗畀我。佢哋幾responsive，彈性比較多，可以揀埋媽媽、姊妹嘅衫、新娘晚裝、新郎西裝等等。佢哋額外收費方面講得好清楚，如果ok就ok，唔ok就唔需要比，唔會等我揀咗條裙之後先同我講要額外收費，幾均真👍🏼。我條裙係拖尾嘅，所以要加錢。佢哋揀衫質素幾好，幾新淨，又有褂可以揀，基本上咩衫都有，所以我覺得彈性大好多，一間鋪就搞得掂所有嘢。佢哋嘅職員好親切，試衫時會幫我影相，join咗佢哋嘅package就可以用自己手機影相，未join佢哋會用佢哋部ipad影。因為佢哋package有好多選擇，彈性大，所以我都唔擔心用唔著。Staff覆我whatsapp覆得好快，唔會話畀咗錢之後就咩都唔理／懶覆。

我朋友喺度租衫，就介紹咗我去搵佢哋。佢哋嘅衫轉得好快，又keep得好好，選擇好多，唔同style都有，Staff嘅服務態度好好。我同佢哋講我鍾意咩style，佢哋就拎曬相關嘅款式出嚟畀我，佢哋拎出嚟嘅我都好鍾意，幫我減少咗好多煩惱💖！佢哋態度好好，服務又好專業，性價比好高，Package價錢幾靚！本身揀咗佢哋租衫，但我唔知佢哋有做開影pre-wedding嘅agent，我講開話想去韓國影婚紗相，佢哋就話有做agency，所以決定搵佢哋做埋pre-wedding。我同佢哋講咗想影咩曬我同埋要咩衫，佢哋幫我處理好曬，因為我book嘅時間好急，但佢哋好快手幫我搞掂曬攝影嘅事，所以我可以好快Book好曬機票酒店。我哋去咗韓國studio同外景影相，跟我哋嘅阿豬媽好快手，攝影師都好專業、funny，拍攝過程好開心，唔會令我哋好緊張，影出嚟嘅相完全係我想要嘅嘢！👍🏼