因為我自己工作關係就同Joseph Photo接觸過，覺得佢哋跟進得唔錯，同時Fb睇過佢哋嘅comment唔錯，所以就㨂咗Joseph Photo幫手影Pre Wedding。😊

係溝通嘅過程中，我哋傾咗大概想要乜風格，將鍾意嘅類型相發比Joseph佢哋睇﹐佢哋都根據我哋想要嘅效果，就定咗唔同嘅影相地點，我哋最後㨂咗天馬艦、赤柱、飛鵝山同中環🌆 。

Joseph係溝通嘅過程俾咗好多意見我哋，又會提我哋當日需要帶嘅嘢，幾點集合等等，因為我影相都係12月，所以天氣有啲凍，佢哋都有提我哋帶多件外套🧥同暖包。

佢哋前期已經幫我哋安排好車同其他助手，仲都提埋我未婚妻要提前做下Faical、手部護理，如果需要眼鏡就需要準備無鏡片類型，因為普通鏡片就會反光，佢哋成個溝通過程都好詳盡同細心。🥰 

當日佢哋嘅助手非常好，係前期知道有啲位置可能會比較難換衫嘅位置，一早準備好帳篷我哋，助手都會好細心咁幫我未婚妻換裙😄 。而轉每一個拍攝景境嘅時候，Joseph佢哋都會提前同我哋講定需要啲乜，佢哋係全程幫你安排曬，所以我哋都係帶個心去，其他嘢就由佢哋幫我哋處理，非常之舒服。👍 

影完當日夜晚，佢哋都已經俾到我哋睇影機嘅初步效果，大概3-4日嘅時間佢哋就提供曬所有原圖俾我哋㨂，我哋大概㨂咗幾十張，佢哋都係用咗半個月左右嘅時間，所以都幾快手。🤩我哋因為見Prewedding嘅時候Joseph佢哋跟得唔錯，所以Big Day都搵咗佢哋幫手影相。

Joseph Photo喺處理疫情嘅問題非常出色，面對客人嘅疑問有好詳細、好耐心嘅解答，令到客人有好大嘅信心。啱啱開始接觸佢哋都唔會有強迫性嘅情況出現，大家係商有量嘅狀態下相處。😉

我本身搵佢哋係影海外婚紗攝影，最後因為疫情都不得不改喺香港。當初我一問佢個處理方法嘅時候，已經即刻建議某啲地方，效率好高。除咗建議之外，亦都會好實際地比參考圖，入邊有好多地方。當初步選擇地方之後，就會幫我哋去思考如果去呢個地方，剩低啲時間可以做咩、會唔會可以去多啲地方等等。我哋最後就揀咗去東壩同埋油塘嘅石礦場。🤣

Pre Wedding我哋第一次見化妝師，不過之前都會喺WhatsApp嗰度問我有冇咩妝容同埋髮型想嘗試，都將reference還原到八九成，再根據我嘅五官進行修飾同埋調整。至於攝影師嘅風格係以自然為主，佢好細心咁指出我哋動作上一啲可以改善嘅地方。😍

拍攝當日傍晚落好大雨，攝影師同化妝師幫手擔遮，見我條裙有啲唔方便都會幫我攞一攞，真係好貼心啊。我開頭都擔心會唔會因為落雨影響咗相嘅質素，但係竟然有另一種韻味，都係歸功於攝影師當日拍攝同埋後製嘅技巧，令到我非常滿意。🥰

Big day我哋再次選擇返Joseph Photo嘅攝影師嚟幫手。當日攝影師叫Ken，佢幫手處理咗好多突發嘅情況，應變能力非常高。例如斟茶嘅時候姊妹可能冇咩經驗，佢都會即時講吉利說話，令到氣氛好輕鬆，唔會尷尬。佢捉緊時間幫我哋影雙人相，提醒下而家應該個進度去到點，避免左超時嘅情況。而當日仲有一個攝錄師，佢都會提醒我哋企嘅角度同埋神態，所以段片都係好寫實好自然嘅。😬