我個package包40張相、指定攝影師、女仔2套婚紗3套晚裝、新郎都係5套、包5個景，而租車化妝就要額外加錢。 我地去咗台中影，去咗車站，一個森林，一個室內景，仲有個地方係瀑布。佢地D staff都好helpful，一去到有機場接送，去到鋪頭會有專人講解同埋解釋行程。佢地d衫好靚，似歐洲運過嚟，除咗有職員專門幫你試婚紗，仲有另一個職員幫手男裝襯呔同飾物。除咗咁，化妝師會根據你揀咗咩衫襯返咩造型，而攝影師亦會睇返件衫啱去邊度，幫你plan埋行程，佢地真係跟得好detai，好全面。之後，攝影師就問我地想影咩風格，我本身想影櫻花，但個陣因為氣候問題所以係台灣未開，咁佢就有介紹我其他景俾我地！ 攝影當天，攝影師好nice，而因為我地影相既時候都幾緊張，攝影師都係咁講笑話叫我地輕鬆d！化妝師都好好，一見到我件婚紗有少少移位就即刻衝過黎幫我整返好，成個過程我都好滿意。 第三日揀相，D相影得好靚！D staff 會睇下排版睇下整唔整到個故事出嚟，而且都無hard sell！我地揀咗成4、5個鐘，total影咗3、4百張，本身package有40張，但我自己就再加錢加咗20張，d相紙就係防水面，寄過嚟都ok，佢地服務真係好好～不過佢地就唔受信用卡，我要加相就要得登拎現金，有少少麻煩！揀相嗰日除咗有兩張85折I-Primo既coupon送，臨走時佢地仲送半盒太陽餅比我地！ 而揀相後佢地跟進個方面都好好，會打電話比我地問下我地收唔收到，會唔會有野想改之類。

我喺婚展度搵咗法蝶呢間台灣攝影公司，我好鍾意，我啲朋友睇到D相都好鍾意。其實我哋睇過，好多其他台灣場的攝影公司都好「娘」，我會睇埋化妝嗰啲，其他公司都係化啲大眼台妹妝，好奇怪，我望過法蝶嘅妝都係好自然嘅，唔係嗰啲好誇張嘅台妹妝。因為我自己好鍾意台中清境大自然，我都想去嗰度影婚紗相，之後我見到佢哋有呢啲，角度又OK唔太老土，所以嗰日就揀咗佢。會場佢哋擺咗啲唔同Album出嚟俾人揀，都ok嘅，我覺得佢冇push我去落單。我俾咗訂先，去到台灣再俾尾數。 佢哋真係好體貼！去到嘅時間發現佢哋係一間兩層嘅好公司，好靚好Grand，入到去揀衫係有一個人專係serve我，因為我同幾個朋友一齊去，佢有一間好大嘅房，好多衫喺入面，間房淨係俾我同我啲朋友，可以任試，唔啱或者想要咩衫佢特登喺出面再拎入嚟俾我揀。Serve我嘅員工好瞭解我想要啲咩，或者想著咩類型衫同顏色。而且，因為佢哋一早已經知道我哋會去邊度影，相譬如我會去啲綠色嘅哋方，就會配啲自然啲嘅衫，佢哋真係好幫到我揀衫同試衫。 揀相呢part好難揀，因為D相真係好靚。一開始簽我揀咗40張相，因為係冇做任何research情況下去，之後先發現原來40張係唔夠。後尾我揀咗120張相，用咗萬幾蚊去買相。因為我主要喺清境影，又去咗老英格蘭莊園，比較classy嘅。我本身去過清境，好鍾意嗰度嘅天空，佢又幫我capture咗好多自然嘅天空，又有隻羊同我影相，佢哋好好，預備埋麵包令啲羊stay埋同我哋影相。 不過，其實我覺得價錢真係比較貴，因為最後加相嘅時候遂張相計都好貴吓。但老實講句，其實佢哋價錢係合理嘅，只係因為自己冇預到。雖然係有D貴，但我覺得呢個錢係值得，因為真係好鍾意啲相，同埋佢嘅服務真係值呢個錢。成件事都out of我expectation，我哋揀相嘅時候佢係買埋晚飯，魯肉飯同珍珠奶茶俾我哋同埋一齊揀相嘅朋友，感覺真係好sweet好體貼。