鴻運繡莊
Lucky Embroidery
4.5
尖沙咀金巴利道73号新業廣大廈2樓202室
+852 2787-9708
關於 鴻運繡莊 - 裙褂專門店

鴻運繡莊創立於1975年,扎根香港已有43個年頭,是傳統婚俗裙褂界的龍頭老字號。二戰時期爸爸由大陸逃難到香港。七十年代開自小學刺繡及裙褂設計,傳二代(堅持自設廠房,堅持以人手製作金銀線,造自家褂,聘用的刺繡師傅全是蘇州的頂級師傅,褂的矜貴在於手工(人手一刺一繡製作)。設計針圖,掃粉都是前期工夫,之後再上工夫架上繡花,手工之精細媲美藝術之作。


第二代傳人-裙褂專家黃國興師傅,更積極研究及改良裙褂款式,於剪裁上加入極佳修身,高領富現代感的造型;在款式上採用了更多五彩十色的頂級繡花線及釘上施華洛水晶,務求令裙褂色彩更鮮艷,更有立體感。讓新娘子既有東方含蓄優雅之美,又散發時尚個性的魅力。



禮服類型:
裙褂
禮服類型:
裙褂
套餐詳情
裙褂系列
HK$ 1,980 起
頭褂租金
HK$ 5,980 起
訂製裙褂
HK$ 13,800 起
長輩裙褂/ 新郎馬褂
HK$ 1,980 起
過大禮套餐 / 訂造頭褂服務
最新評論
整體滿意度
4.5
過濾評語:
Ms Wong
4
精選評論
服務 / 婚宴日期: 2019.10.26      
我一開頭係上網做search嘅,見到做褂最top嘅兩三間,就淨係考慮佢哋。原本我係打算去晒幾間睇嘅,但係第一間睇咗鴻運繡莊先,一去到佢哋舖頭就覺得佢哋款式同service幾好,所以無睇其他間就confirm咗喺佢哋嗰度租褂啦😆。

我係去佢哋尖沙咀舖頭嘅,入到去覺得環境整齊乾淨,但係會比我想像中細啲,因為佢哋係預約時間…

我一開頭係上網做search嘅,見到做褂最top嘅兩三間,就淨係考慮佢哋。原本我係打算去晒幾間睇嘅,但係第一間睇咗鴻運繡莊先,一去到佢哋舖頭就覺得佢哋款式同service幾好,所以無睇其他間就confirm咗喺佢哋嗰度租褂啦😆。

我係去佢哋尖沙咀舖頭嘅,入到去覺得環境整齊乾淨,但係會比我想像中細啲,因為佢哋係預約時間嘅,同一時段會有其他兩三個客有男有女咁喺度試。佢哋會俾件衫我著咗之後再入去試,試衫空間夠嘅,不過就同其他客都有啲啦,不過我都接受到嘅,但係如果佢哋地方再大啲就更加好啦😉。試衫過程佢哋都有1 on 1嘅assistant幫手,全程serve我幫我著件衫。

員工會問咗我鍾意咩款先,譬如想多啲金色或者銀色,之後會跟我嘅comment同睇我嘅身型俾返啱嘅size我試。佢哋嘅款式都算多嘅,俾我睇嘅頭幾款我就已經揀到最鍾意嗰款😍,所以我都無再叫佢拎好多俾我啦。我最尾就揀咗五福褂,係無水晶嘅,但係我都覺得ok, 因為就算feel到有人著過,佢嘅外面都係新淨嘅😊。我攞褂嗰日撞正有啲公眾活動,我打去問嘅時候佢哋都有主動offer可以俾我早啲攞,最後我早咗一日去攞,同埋還嘅時候我唔洗自己去還,就咁搵人去擺低佢哋都ok。我覺得佢哋處理得都幾有彈性,同埋會考慮到我哋嘅要求👍🏻。

不過因為佢哋嘅舖頭唔係好大,如果一個time slot可以淨係安排兩個客就更加好喇,如果唔係個客試嘅時候都會覺得唔好意思要佢俾多幾套嚟試。同埋會同其他客好近。我試嘅時候隔離個客都係企喺我隔離,雖然係就咁笠件衫,但都會好似大家眼望望咁,所以安排好啲避免咗呢個情況嘅話就會更加好啦🙈。我覺得佢哋嘅男裝quality都幾好既,如果男仔都鍾意著嘅話就可以去睇睇啦😉。

婚紗禮服
Ms Au
5
精選評論
服務 / 婚宴日期: 2019.12.07      
我一開頭喺Facebook都搵到幾間繡莊嘅,睇過啲相咁。雖然裙褂款式少過婚紗,但係都會有啲唔一樣嘅。原本想喺租婚紗嗰度租埋褂,但覺得啲質素就會參差啲😣。之後去到婚展就再睇下實物,發現鴻運繡莊嘅褂手工真係會細緻啲,無論係圖案刺繡出嚟嘅神態同配色嗰啲都係靚啲,所以喺婚展嗰度認識咗鴻運繡莊之後,對佢哋印象都深刻啲,就再上佢哋…

我一開頭喺Facebook都搵到幾間繡莊嘅,睇過啲相咁。雖然裙褂款式少過婚紗,但係都會有啲唔一樣嘅。原本想喺租婚紗嗰度租埋褂,但覺得啲質素就會參差啲😣。之後去到婚展就再睇下實物,發現鴻運繡莊嘅褂手工真係會細緻啲,無論係圖案刺繡出嚟嘅神態同配色嗰啲都係靚啲,所以喺婚展嗰度認識咗鴻運繡莊之後,對佢哋印象都深刻啲,就再上佢哋尖沙咀嘅舖頭睇啦😆。佢哋嘅環境古色古香,舒服同寬敞。

款式有好多選擇,我覺得佢哋嘅員工好專業,因為好多時新人都會預設咗有自己嘅偏好,但係佢哋會解釋話我哋有陣時幻想自己鍾意啲咩係唔可以作準嘅,因為要著上身先知效果,唔係嘅話最後可能就會揀咗啲自己唔鍾意嘅嘢。我聽完佢哋講先發現原來係有咁多學問嘅🤓。佢哋會先問我鍾意啲咩,之後再攞好多套出嚟俾我試,試完自己都知自己啱咩啦。最後佢哋真係幫我揀到條好啱我嘅裙褂🥰。

我租嘅係五福褂,佢哋好多款都有水晶嘅。我初初係唔鍾意水晶嘅,但係試上身就發現有水晶嗰套真係靚啲。我仲有買咗條子孫帶,佢哋有講可以租嘅,但係租嘅話條帶上面繡嘅字可能就係之前用過條帶嘅新娘嘅姓。如果我哋自己買佢就可以繡我哋自己鍾意嘅字喇。還褂嘅時候佢就會拆返條帶落嚟俾我,有個盒裝住咁好靚嘅,咁就可以作為留念啦😆。

我係半年前就租咗件褂,半年之後再見返都依然覺得咁靚。我攞褂嗰日一打開個盒成條褂都係閃嘅,keep得質素好好,好新淨。如果佢哋可以主動啲提下啲新人話大概幾時可以去試同攞褂就更好啦。因為大家結婚基本上都係第一次,係唔會知道幾時要做咩,會有啲擔心。不過我都會推薦鴻運繡莊俾其他新人,因為佢嘅整體服務同產品質素都係好高嘅👍🏻。

婚紗禮服
最新優惠
聯絡商戶