馬灣公園
Ma Wan Park
5
香港馬灣田寮村45號
3446-1163
最新評論
整體滿意度
5
過濾評語:
BeverlyChan
5
精選評論
服務 / 婚宴日期: 2015.11.01      
因為想要陽光同草地,我一開始就決定唔做夜晚,同埋預算唔要過十萬。之前幫人搞數碼港婚禮得個場地,13年個時兩萬幾,到15年報價已經係六萬蚊。

我地一開始係網上見到馬灣D相同價錢都OK,我打電話上去,佢建議我去佢哋婚展個booth會有折扣,去完之後覺得真係好OK同埋好抵!三個鐘包場地同埋decoration,包埋律師同s…
因為想要陽光同草地,我一開始就決定唔做夜晚,同埋預算唔要過十萬。之前幫人搞數碼港婚禮得個場地,13年個時兩萬幾,到15年報價已經係六萬蚊。 我地一開始係網上見到馬灣D相同價錢都OK,我打電話上去,佢建議我去佢哋婚展個booth會有折扣,去完之後覺得真係好OK同埋好抵!三個鐘包場地同埋decoration,包埋律師同shuttle,都只係21850,超級抵!個律師仲要好好,網上D人都讚不絕口!Cindy Yau完全無迫我哋,仲叫我哋唔好咁快俾錢住,叫我哋去場地實際睇咗先。後來真係約咗時間去睇,覺得OK就過數俾錢。個package原價23000左右,會展價就21850,食物另計。個package淨係包100人分量既凳,我就加咗30張,每張50蚊。 除左證婚枱同reception枱,我仲額外加左兩張枱,但係就無為額外加既枱提供枱布,最後我要自己去深水埗買。如果可以安排多幾塊同reception枱一樣款一樣colour既枱布俾客人備用就會更加好。 食物方面,馬灣俾咗相熟既catering既報價單我哋,我有upgrade 咗少少,100人分量就大概17000。我自己另外有去Natural Chiffon 到買cupcakes,同埋去美心拎咗D西餅同蝴蝶酥。 雖然價錢包埋Banner同Welcoming board,但係婚禮前三個星期,Cindy叫我去睇多次真係結婚嗰時既setting,睇咗之後真係唔會想用佢哋嗰個,因為個Banner會見到上一手新人個名,我臨時搵讀design 既朋友幫我設計過。 馬灣個地下係做原木既感覺去配合番個場地,其實個感覺好啱但係個日新娘同姐妹都係著高跟鞋,D板之間會sip 到個踭,除此之外個場地真係perfect。
聯絡資料
3446-1163
info@mawanpark.com
最新優惠
聯絡商戶