擺酒我地搵左景逸軒，因為我哋想搵星期六有期同埋要開揚啲嘅場地，而咁啱佢地嗰日係okay就揀左佢地喇。我地係walk in入去，都冇話有個sales去特別跟，就話有咩send email去問佢，咁佢地都回覆得好快。 不過，啲賓客feedback番嚟就麻麻地，話佢地啲經理態度好似唔係太好。事緣係咁樣嘅: 我自己就比較怕凍，於是就叫啲經理熄細個冷氣，到好多賓客嚟到嗰陣佢地就冇開番啲冷氣，坐後面啲賓客就話好熱好焗，就同個經理講左幾次但係都冇開番，幾乎嗌交咁樣。另外仲有一件事，呢件事就係發生喺我媽媽身上，佢話有一位經理對佢講嘅說話唔係好客氣，好似係講關於麻雀枱嘅嘢，之後嗰位經理好似話「如果你地有錢嘅話咁麻雀枱咪唔會咁樣擺囉」，我媽媽就好nice嘅冇咩嘢，但係就希望可以改善一吓啲部長嘅態度啦。不過，跟住我嗰位姨姨就好好人，知我凍就好主動咁拎件披肩我披住，之後又叫我食啲嘢飲啲暖水先，亦都有提議熄細啲冷氣，影相嗰陣又幫手搬櫈上台。 當晚我都冇咩食過野，但係聽啲賓客講食物份量好似細左啲。另外器材燈光都okay，係有專人去follow嘅。到最後俾錢佢就叫我地帶番啲訂單去，我地就冇帶到，咁佢都跟得到嘅，對單都okay。