Miss Bride係我化妝師介紹俾我嘅租衫公司。佢地嘅婚紗選擇較多，但敬酒迎賓嘅裙款就較少。揀Miss Bride嘅主要原因係啲婚紗真係好靚，因為我好鍾意蕾絲款式，而Miss Bride就有好多外國designer品牌婚紗，好啱我嘅風格。不過佢地提供嘅service就較少，同埋價錢比較貴。

租衫方面有個遺憾...就係我揀咗一條迎賓嘅low cut裙，事前改過但都係唔夠緊。我有講過條裙要修緊d，但裁縫話已經夠，無問題，點知婚禮當日差d成條裙甩出嚟！裁縫或者係專業嘅，但可能我最近瘦咗，又或者佢無諗到我當日會咁大郁動，所以無再修緊。當日迎賓時因為有長輩而要跪低，條裙有少少鬆，差d甩出嚟！好彩我姊妹發現到，化妝師又識針黹，臨時喺更衣室幫我修緊頂住先，如果唔係條裙就真係會甩出嚟😖

其實我去過Miss Bride 2次，係第二次先租，咁啱都係Bonnie(好似係呢個名) serve我。我覺得佢好好，第一次試完無揀啱，又無黑面，叫我試完揀啱先返轉頭，又俾我影相。佢仲話你2-3日內都可以返轉頭用返呢個價錢租，完全無hard sell！後來我第二次係網上面見到佢哋放嘅新款覺得幾好，就再上去租，因為我想揀返件紅色嘅敬酒晚裝。不過我諗可能因為Miss Bride喺中環地區所以mark up係勁啲，我係其他地方見到同一樣嘅裙款Miss Bride會貴20-30%左右。不過Miss Bride嘅環境同service係好好，可以彌補到，佢哋唔sell人又肯俾我影相！