我既禮服係Mode Tuxedo租既，呢間公司好出色👍🏼pre wedding 同big day 我都係呢間租禮服。佢地既服務好好，big day前老闆預備左啲布織既口罩同有香水既酒精搓手液送俾新郎用。口罩既外觀好靚，我即刻就買多幾個俾兄弟用，令大家更加願意戴口罩影相。我上去試身個陣佢地會教埋我點樣著套禮服同點樣擺pose, 無expect過租禮服既公司會提供呢啲服務。禮服既cutting,手工都係好專業。男仔最在意既褲腳長度，袖口位等等佢地都照顧到。套禮服好貼合到我既身型👍🏼

本人分享一間位於尖沙咀Modx 西裝店的體驗 事原本人老公於該公司租借禮服用於pre-wedding（11月）和Big Day （2月）。 由於我同老公係海外影pre wedding ,我已經約好上機前一日攞衫，正正當時係有活動，交通有影響，我同老公打算攞衫，發覺間舖無開，我哋之前完全無收到通知，間公司話佢哋話無留意張單同Booking（如果因事唔開舖，我明，但可否早一點通知客人，令客人早點安排？） 直至Big Day 前，間公司都無聯絡過我哋去做final fitting ，打電話聯絡又無人聽，然後我哋諗可能間公司照pre -wedding 個size 甘改，到Big Day 前一日去公司攞衫，個sales 話完全無改過我哋件衫（我感覺係比左錢就完全無人埋我哋張單），仲有個sales同我哋講話師傅唔响到，個sales 即刻同我哋改（無睇錯係sale 改，唔係師傅改），長短袖，吊腳，件衫足足改咗成2個鐘。相信各位都明Big Day 前一日係幾忙，而我地就足足浪費左2個鐘等個sales 改衫......再加上個期係武漢肺炎恐慌期，我哋一朝係咁收到賓客唔黎嘅消息，精神壓力好大，點解佢哋仲有甘樣加大客人既壓力？ 建議各位靚靚考慮清楚先落訂或者落單後要跟緊D