唯美主義
Perfection Couture
4.5
香港太子廣東道1155號日昇廣場12樓1201-1202室
34212408 / 34286068
關於 唯美主義 Perfection

不經不覺, 唯美主義已成立超過15週年了👏🏻👏🏻!

現在很多新娘想要高貴優雅感覺又要帶點簡潔歐陸風格的婚紗,有時候未必需要在中上環區尋覓。

設於太子的 Perfection 唯美主義,擁有超過3000呎的門市,以修身簡約的設計為賣點,著重剪裁細節以突出線條,展現新娘的自信美態,堅持以一份誠意和用心,為新娘子圓夢👰🏻。

在這15年間,有很多著名的模特兒👸或藝人👑 曾穿著過 "唯美主義" 的婚紗及晚裝出席各類型的公衆活動,有些模特兒或藝人更成為了我們的代言人呢。🧖🏻‍♀👯🏻


另外,我們更有超過600個款式的婚紗和晚裝,讓新娘有更多的選擇。 如有需要,歡迎跟我們預約時間,了解我們的 "唯美婚紗"😀。

唯美主義除了婚紗晚裝外,還有男裝、媽咪衫和中式裙褂喔~

除此之外我們還提供 Pre-Wedding 、Big Day 攝影、化妝、新鮮花球服務😻😻



最新評論
整體滿意度
4.5
過濾評語:
saisaiflorence
5
精選評論
服務 / 婚宴日期: 2019.09.16      
我係去婚展認識到唯美主義嘅,原本淨係想搵pre-wedding,但係因為佢哋嘅員工好nice,解釋得好好,婚紗晚裝又好靚,性價比好高,所以big day 2P1V攝影同租衫都揀返佢哋啦😆。

我喺婚展都去咗好多個booth聽啲人介紹,但係好多都好hard sell,好似都係為做生意咁,但係唯美主義就唔係咁,佢哋係真係好…

我係去婚展認識到唯美主義嘅,原本淨係想搵pre-wedding,但係因為佢哋嘅員工好nice,解釋得好好,婚紗晚裝又好靚,性價比好高,所以big day 2P1V攝影同租衫都揀返佢哋啦😆。

我喺婚展都去咗好多個booth聽啲人介紹,但係好多都好hard sell,好似都係為做生意咁,但係唯美主義就唔係咁,佢哋係真係好想去服務,令到個客可以有個自己鍾意嘅婚禮🥰。好記得有個員工Carmen叫我唔洗驚,只要我信得過佢,pre-wedding佢會幫我由頭跟到落尾,咁樣就令到我好放心好相信佢哋啦。

Pre-wedding我係喺香港影嘅,有影indoor同outdoor。因為我哋唔係專業model,所以影相嘅時候都唔係好識對鏡頭擺pose,但係攝影師同Carmen都會一直喺隔離教我哋擺pose,成個過程都好smooth好舒服,唔會覺得唔自然😊。去outdoor影嘅時候,因為啲衫比較論盡,行嚟行去就會有啲辛苦,佢哋都好照顧我同我先生。Pre-wedding嘅化妝師好好,滿意到係我big day都搵返佢啦,我係好知道自己想要啲咩,所以同化妝師傾嘅時候都搵左好多reference俾佢睇,寫低咗好多我嘅要求,佢都可以做到晒我想要嘅嘢😙。

租衫方面,佢哋嘅環境好舒服,地方好大好乾淨,光線都好充足。其次就係佢哋嘅婚紗晚裝好多種類,顏色有好多選擇,最好嘅就係佢哋嘅員工唔會嫌麻煩,我想試咩款佢哋都好樂意去滿足我😇。我話俾佢聽我想要咩感覺,佢哋就會睇我個身型感覺,好主動推薦啲款俾我,好明白我要咩,可以好快搵到啱我心水嘅裙,真係好專業。同埋我一開始唔想著褂,就想搵件紅色嘅旗袍晚裝,但係嗰陣時佢哋未有,我都好可惜話點解佢哋無㗎,因為我好相信佢哋眼光,如果佢哋有嘅話一定會好靚。喺我big day之後就見到佢哋有租借呢啲紅色旗袍晚裝啦,依家都唔係咁多女仔鍾意著褂,所以佢哋都係有sense嘅,雖然遲咗步,不過遲到都好過無到啦😉。

媽媽衫我都係喺嗰度租埋,真係好關鍵嘅一個環節,因為媽咪都會有啲肉地,有啲衫就算好鍾意但係點都遮唔到啲手臂位。咁喺媽咪試身嘅過程,佢哋都會想盡辦法,譬如加件披肩咁,再諗埋點樣可以令到當日走黎走去件披肩唔會跌,員工同裁縫姐姐都俾咗啲好好嘅意見,努力滿足我哋嘅需要,好細心啊🥺。因為我嘅花球同襟花都係喺佢哋嗰度訂,佢哋亦會好詳細講解啲花唔好整濕啊各樣嘢,我相信一般公司應該淨係會俾個嘢我,唔會remind我要點樣去keep到啲花靚。同埋我就嚟結婚同還衫嗰刻會好緊張,因為時間好緊迫,咁佢哋都會叫我唔洗急,還唔切都唔緊要,隔一日都ok,咁嘅安排就令到我哋無咁大壓力,好貼心。

Big day同prepare嘅過程啲員工都會問有無嘢需要幫我哋,都令到我哋好放鬆好舒服。我係完美主義者,所以同唯美主義嗰邊傾嘅時候已經搵左好多reference俾佢哋睇,收到pre-wedding嘅相真係好好,同之前開會傾嘅相係好似好接近,我哋好鍾意啊😍。Big day嘅攝影師同pre-wedding嗰陣就係兩隊crew嚟,佢哋好專業,不過可能因為第一次見面,同埋嗰日行程都比較急,無機會可以大家坐低詳細開會prepare。

雖然Big day嘅相未收返,但當日影完佢已經有俾幾張相我哋睇,我哋好滿意,所以都對佢哋有信心。我有follow佢哋IG同Facebook,每個客都影得好好,佢哋有幾個員工,可能就會照每個員工嘅taste或者長處嚟分配客人,所以我覺得佢哋係可以好彈性咁滿足到唔同年齡層嘅需求啦🥳。

婚紗禮服
Elaine Chan
4.5
精選評論
服務 / 婚宴日期: 2018.12.24      
我行婚展嗰陣認識到唯美主義Perfection,聽完佢哋介紹覺得幾鍾意佢哋嘅風格同婚紗,會比較浪漫啲,之後比較埋其他公司,都係最鍾意唯美主義Perfection嘅婚紗,所以最後就揀咗喺佢哋租婚紗同影pre-wedding喇😙。
我上咗去佢哋嘅studio試衫,佢哋嘅環境好大。👍🏻 我結婚嘅日子唔算係好多人爭嘅,所以嗰陣…

我行婚展嗰陣認識到唯美主義Perfection,聽完佢哋介紹覺得幾鍾意佢哋嘅風格同婚紗,會比較浪漫啲,之後比較埋其他公司,都係最鍾意唯美主義Perfection嘅婚紗,所以最後就揀咗喺佢哋租婚紗同影pre-wedding喇😙。

我上咗去佢哋嘅studio試衫,佢哋嘅環境好大。👍🏻 我結婚嘅日子唔算係好多人爭嘅,所以嗰陣淨係得我喺度試,咁就唔會好似好多人一齊喺度試咁尷尬喇😆。

佢哋嘅婚紗有好多款可以選擇,我就同佢哋講有邊幾款係靚同新嘅就攞俾我試。不過就算我想番轉之前睇啱嘅款,佢哋都會俾我轉。😆 影相期間佢哋好細心,影出嚟嘅效果我哋好鍾意。嗰日影完pre-wedding返到嚟,佢哋會有好多同事幫手卸妝。不過如果佢哋可以幫男仔化埋妝就更加好喇🙈。

我喺佢哋嗰度仲有租埋婚紗喺big day嗰日著。我幾個月前租嘅裙big day攞到嗰陣都仲係好靚。👏🏼 但係我嗰日唔小心整爛咗條裙,都有啲唔開心,我老公就話唔緊要,如果要賠錢嘅話就索性買咗條婚紗。第二日我去還嗰陣就同返佢哋講我整爛咗,但係佢哋好好人,話呢個佢哋都可以處理到,所以就唔洗賠錢😭。我哋同佢哋啲同事好好傾,依家結完婚都仲會contact,好似朋友咁,聖誕新年都會傾下計🥰。我有介紹Perfection俾其他靚靚,因為佢哋都有好多款揀,不過就要睇下對新人鍾唔鍾意佢哋浪漫唯美啲嘅風格喇。😁

婚紗禮服
最新優惠
聯絡商戶