因為我有優惠，所以我地都無周圍揀。佢地既酒店服務好好，所有野都跟得好足。其實新人好緊張，成日都會有野問，我地email搵佢地都好快回覆，所有野都好smooth，幫我老婆既婚紗小天使都好好，控制全場既經理，都令到所有野無甩漏。 我地其實覺得咁大個event點都會有小小甩漏，但問過爸爸媽媽同啲兄弟佢地都話真係好好，食物都無落差。

揀旺角市京酒店都因為佢哋位置方便，喺新世紀。整體感覺都幾好，因為佢哋啱啱翻新完個場，最多擺幾十圍，我哋嗰日就擺咗廿八圍。佢哋嘅硬件都全部配合到，而服務方面都唔錯，問佢佢全部都答到你，都解釋得好詳盡，都算殷勤有禮貌。 負責我嘅sales叫Stephanie Chan，Stephanie做慣婚宴都有經驗，變咗佢喺婚展已經話到俾我知嚟緊幾時要做啲咩，亦都有間唔中提吓我，問我菜單諗成點。我係擺晏晝，一點鐘食，三點鐘完，所以四點就要交場。佢哋好在就就送埋間房俾我哋，就提我哋如果斟唔切茶可以上房斟，亦都會share返以往啲經驗俾我哋，唔會兜圈。 可以改進係佢哋侍應返應可以快少少。其實成個流程佢哋好熟，又有開過會go through過rundown。佢有送部花車俾我哋，benz嚟嘅，不過淨係送兩個鐘，我哋自己要俾多幾個鐘頭錢，所以時間就唔係好夠。因為我住青衣，老婆住馬鞍山，真係趕唔切。