呢間公司我喺婚展見過，最尾揀呢間公司嘅原因係因為我擺酒嗰間酒店，除咗擺酒之外，可以影相，結婚前就只係比Spring Wedding影相，咁之後就發現佢哋有合作關係，再睇埋啲裙就覺得同個場都幾襯，於是就決定join佢哋。

當時負責我哋嘅人叫Betty，因為喺婚展嗰陣我睇ipad已經睇中一款好想試，但之後上佢哋公司就唔見有，咁我就形容比Betty聽啦，佢話無印象，咁我一開始都有啲失望嘅😕同埋佢個package就係一萬蚊四條裙，當中包一條係HD collection (貴啲嘅brand)，如果多一條HD就要加錢，咁我想試嗰條無咗，唯有慢慢試，佢哋第一次上去又可以任試，咁我就叫Betty推介啲比我去試啦，點知佢拎完啲裙比我，無同我提過呢條係唔係HD，最後當我揀完啲裙之後，先知原來我揀好嘅全部都係HD，因為佢淨係比HD我試！

我試緊嗰陣仲有問佢邊條HD，佢就話:唉我唔答你，等你試真啲。點知我最尾揀咗兩條HD，就問佢要加幾多錢，佢話大概要加四五千左右，咁因為我試每條裙Betty都有幫我影相，我就問返佢有邊條唔係HD我就即揀返嗰條，之後佢就開始狂sell，想我揀HD，嗰陣我就唔太想upgrade嘅，但返到去諗諗下就覺得好唔忿氣，同我老公傾，我老公就覺得個日靚係最緊要，所以我就問返Betty叫佢send返我之前放棄咗唔揀嗰條HD，我好好態度咁同佢講，其實我係考慮緊加錢轉，點知佢唔肯send返嗰張相比我，只係send我之前揀定嗰四款，我再問佢有無其他裙嘅上身相可以睇，佢就唔覆我，仲要兩個月都冇覆我！

咁無計啦我就等第二次上去先轉款，第二次就係有另外一個女仔serve我，但今次我都係揀到兩條HD，揀唔落其他，其實我之前都問過Betty個package可唔可以係兩條HD加一條普通，最尾嗰條唔要，當時Betty就話唔得，一定要加錢，但同一個request今次呢個女仔話ok係可以嘅😨同埋嗰陣試裙有個manager就覺得我著得好靚，就狂幫我影相，上次Betty無send哂啲相比我，所以我今次就同個manager強調要send哂啲相比我，咁最尾佢都有嘅，但奇怪嘅位就嚟喇，佢影完啲相無問過我嘅permission就放咗上facebook，我唔係話唔想分享，只係覺得佢應該要問一問，尊重返客人會好啲。但講真佢哋啲裙真係HD先會令你睇得上眼，同埋佢哋嘅folder會將HD & non-HD放埋一齊，咁我就發現咗佢個code後面有HD就應該係HD！平心而論，裙真係靚嘅，都係靚料，同埋車工都好好，但因為職員嘅態度就可能令我感覺唔太好😔

我覺得Spring Wedding個攝影師好好。我去搵攝影個陣，都係睇佢地個相簿，睇完D相我多數都係會指定要返影尼輯相個攝影師，因為我驚會有差異。我見到spring wedding個D相簿好好，就即時問佢地可唔可以搵返尼個攝影師，而當日個攝影師咁啱又係現場，就即刻傾左幾句，都覺得佢地好專業，就即時決定搵佢地影pre wedding。同埋，佢地D相嘅style係好grand,好grand得嚟又唔會隔好多年睇就會好leung，因為佢都唔係行緊而家潮流最新嘅style，佢係行經典感覺，所以我就揀左佢，因為我想無論幾多歲睇返都覺得係經典咁樣。我地係香港影，佢地同淺水灣酒店有partnership，我地影果D地方全部都係淺水灣酒店入面，雖然好簡單，但係影出嚟個感覺好好。個攝影師Gary，可能佢都話得事，所以佢都會俾好多意見，衫要點樣呀，妝要點樣化呀，唔好太濃，要攞嘅道具，佢都會提我地，佢地都有準備好。Wedding當日都有好多人問輯相，好多人都覺得好靚💖！成個溝通過程都好smooth，同埋當日都係準時影完，朝早9點到夜晚5點就影完。我影左一輯相，就有一本相簿同一幅油畫，再包埋婚禮D衫，成個package 都係$25000。因為佢好多裙都係比較適合影相，適合行教堂D裙唔多，有D暴露，就唔太岩教堂。後來我揀左一條有珠仔嘅款嚟行草地，好經典，都幾靚架。我覺得成個package咁樣都好抵，當日我地都有三套衫，新娘新郎都有，其實真係好抵。我地都好滿意。唯一係揀裙嘅時候，原來有分grand D 要加幾多錢，我覺得可能一開頭我無了解清楚，但係呢個位如果講得清楚D會更好。