呢間場地佈置係我哋行婚展見到，佢現成整出嚟嗰個booth我先生好鐘意。佢個booth嘅style係比較plain嘅，係一個print出嚟嘅board。當日喺個booth坐低睇，我一睇就睇中咗幅草牆！我哋考慮咗好耐，一係就係我先生鐘鍾意嗰D plain款，一係就係我揀我鍾意嘅草牆。我哋參考咗佢哋好多portfolio，最後都係決定用草牆。原本我哋就係睇最basic嗰個package，之後講講吓就upgrade咗一個plan啦，因為如果鐘意草牆就一定要中間嗰個plan，平嗰個plan做唔到。而我哋考慮咗一輪，最後都決定join佢哋。 到傾design個sales一開始係有少少cool cool哋，到睇耐咗傾耐咗佢都會好認真俾意見我哋，例如我哋要草牆佢會幫我哋分析草牆點配搭會靚呀，點樣幫我哋design啲擺設呀咁樣。個sales都幾識得估我哋要咩嘅，佢不停咁開唔同style俾我哋睇，然後就睇吓我哋啲眉頭眼額咁，佢都會feel到呢個我唔鐘意﹑呢個唔啱我，都會幫我哋篩選。 到big day當日，我搵咗其中一個兄弟follow up，都知道佢哋啲staff好早就到咗場地，基本上我一出到嚟所有嘢已經ready晒，同埋出到嚟效果都係我哋想要嘅嘢! 唯一一樣嘢我唔係咁滿意就係confirm layout嗰陣先知好多嘢要加錢，例如個stage除咗個backdrop都會有少少擺設，我揀嗰個style就係啲花呀雀籠，可能本身淨係包咗兩三個雀籠，但就有啲plain。佢就話如果想可以加多兩個，不過就要加錢，而且我係嗰個moment先知要加錢。其實之前傾嘅時候佢哋冇特別mention咩要加錢，淨係講咗有咩係包咗，去到finalize先逐個加錢咁。佢要加錢嘅嘢就exactly係我想要嘅嘢，所以就心甘情願地俾咗佢喇！

花球我都係搵埋佈置公司訂，訂咗一個鮮花一個絲花。本身我都係諗住出去搵，但係咁啱見到佢哋舖頭都有花嘅sample，咁就講開佢哋話之前做緊個promotion，本身完咗架喇但係都做埋俾我哋。佢個promotion都算平，$1900包一個真花一個假花花球，再包兄弟姊妹兩邊各六隻同埋爸爸媽媽嘅襟花，然後仲有花車車頭個花。 花球款式方面，佢都有問我想要咩花，絲花就冇得點揀嘅，佢現成有咩款就喺嗰度揀有咩色咁；鮮花佢就有好多款，我係諗住出門嗰陣用鮮花，佢都會俾comment我話用咩花襯出嚟會靚，最後我係揀咗鮮紅玫瑰同埋胡姬，所以成個花球出嚟係偏紅偏粉色。 我係big day前一日去攞啲花，所以都新鮮嘅，都會concern到第二日會唔會乾或者謝，佢都有個兜裝住啲水教我全晚都要開住冷氣呀，都會教我點樣keep住啲花。不過頭花方面都有少少失望，由於個頭花係襯番個花球，但係佢俾我嗰紮胡姬唔知點解整碎晒，每朵花一條條分開咁俾我。而我拎到番屋企嗰時佢好似已經謝謝地，佢個樣好似有少少凋落咁，嗰個moment都有少少擔心係唔係謝咗，所以自己都有買extra準備多啲。如果可以當日先送花就好喇，起碼保證一定新鮮。