香港賽馬會 (雙魚河鄉村會所)
The Hong Kong Jockey Club (Beas River Country Club)
4.5
香港沙田香港賽馬會沙田馬場
2966 1823
西式婚宴
證婚典禮
場地類型:
戶外
西式婚宴
證婚典禮
場地類型:
戶外
最新評論
整體滿意度
4.5
過濾評語:
Diana
4
精選評論
服務 / 婚宴日期: 2015.06.07      
我一直都冇諗住夜晚擺酒,淨喺諗住擺下晝,而雙魚河因為少人,加上我喺馬會member,所以容易啲book,就決定喺到擺酒。

雙魚河嘅服務態度好好,不過就好多甩漏,成日都唔記得嘢,又有好多嘢冇做到,例如因為雙魚河方面要啲我另外訂嘅花前一晚送嚟,因為啲花要冰先可以store到,所以我一早同咗雙魚河佢哋講要準備啲冰,但佢哋竟…
我一直都冇諗住夜晚擺酒,淨喺諗住擺下晝,而雙魚河因為少人,加上我喺馬會member,所以容易啲book,就決定喺到擺酒。 雙魚河嘅服務態度好好,不過就好多甩漏,成日都唔記得嘢,又有好多嘢冇做到,例如因為雙魚河方面要啲我另外訂嘅花前一晚送嚟,因為啲花要冰先可以store到,所以我一早同咗雙魚河佢哋講要準備啲冰,但佢哋竟然唔記得咗,搞要夜媽媽再搵過冰。另外我哋一早打去book哂住房各樣嘢,但佢哋又好多嘢都搞錯,例如幾多間房又搞錯,日期又錯,特別喺數字上嘅嘢,好彩我爸爸細心會發現到有問題嘅地方。而且,場地會有啲路牌指示,但訊息竟然喺有錯誤。佢哋成日都會喺細節位上搞錯嘢,可能因為wedding planner太後生,所以就有甩漏。 佢哋有crew meal提供,但我自己就冇用到,因為一個揚州炒飯竟然要成一舊水!仲要唔可以喺餐廳食,要喺廚房後面嘅戶外area食,當時喺夏天,熱辣辣,因為太貴加上唔想委屈攝影師同化妝師,所以我就另外係出面買外賣俾佢地食。 有樣做得好嘅地方喺佢哋會不停俾水我哋飲,而且因為新人基本上冇得食飯,所以最尾佢有留到食物俾我哋慢慢食,食物方面亦唔錯。雖然有少少貴,但因為個場好靚,所以我都唔介意個價錢貴少少。
tiffany
5
精選評論
服務 / 婚宴日期: 2014.10.18      
我爸爸係呢到會員,細㚼個會成日帶我同家姐去玩,所以我對呢個地方好有感情。而且我同老公不嬲都有係雙魚河拍拖,佢又會同我爸爸媽媽係呢到食飯同嘆下,每次入到去個感覺好relax。本身都冇諗過佢地會搞酒席果啲,不過有次係wedding expo見到佢地有promtion,於是之後去雙魚河拍拖就問佢地,原來佢地都有啲packag…
我爸爸係呢到會員,細㚼個會成日帶我同家姐去玩,所以我對呢個地方好有感情。而且我同老公不嬲都有係雙魚河拍拖,佢又會同我爸爸媽媽係呢到食飯同嘆下,每次入到去個感覺好relax。本身都冇諗過佢地會搞酒席果啲,不過有次係wedding expo見到佢地有promtion,於是之後去雙魚河拍拖就問佢地,原來佢地都有啲package嘅,不過就唔會有好多花臣,而且佢地淨係會做西式嘅wedding,唔會做中餐。雖然我本身諗過揀中式,但我老公就唔太想,所以其實已經得返好少選擇,咁啱知道雙魚河呢度可以擺酒所以都決定係到擺。我地擺左30圍,1000per head包酒水,包埋服務費,我地自己都有另外帶啲酒去。而且佢地唔會特別額外收費,於是傾好價錢就落左訂。 雙魚河個環境係好靚,而且係buffet黎嘅,好多野食。我地已經揀左最貴嘅package,同埋有要求佢地offer野食俾vegetarian,雖然佢地唔會額外煮多俾我地,但我地可以轉某啲餸菜,令食齋嘅人可以食多啲唔同嘅素食。佢地好早已經同我地傾左想食啲咩,而且佢有個tasting menu,要錢嘅。因為我地都食慣,好多菜式都唔洗特別去試,但冇諗到果個時段嘅西餐原來係會咁好味。 當日服務係marvelous,冇得彈。收到嘅comment都係啲野食一食完好快有人執走啲野食,態度十分優良,啲野食又好好味。本身有擔心西餐啲野食未必可以放好耐,可能會溫左幾個鐘,但係好多人都話龍蝦啊、扒啊都好好味,煮得好特別,唔同種類嘅食物都會有人讚好食,所以我地都好感激個廚師。呢個廚師本身係半島請過黎,我地已經寫左信去多謝馬會,因為真係做得好好。 outdoor擺酒要注意天氣同埋好多細節嘅地方,呢啲係indoor唔需要擔心嘅事,不過雙魚河都有contingency plan嘅,帳幕果啲都有。果陣諗,就算咁唔好彩落雨,有marquee感覺都OK嘅,但後尾有長輩嘅feedback講返原來會唔鐘意呢個後備plan,會覺得好掃興。我有諗過其實黎得outdoor應該會預左可能會有落雨嘅情況,亦都會預左落雨會有啲野可以遮一遮。我地有準備到遮果啲嘅,但我地都overlook左落雨就有機會俾蚊咬,個場方面都有同我地講返,所以之後就預備左好多有機噴霧擺定係到,好彩唔需要用。不過其實都要睇地方嘅,有啲outdoor可能係假草皮嘅就唔需要咁擔心,真草先會俾蚊咬。
最新優惠
聯絡商戶