我compare過幾間公司，覺得去到見面嘅時候係得The Stage嘅攝影師比到一個好好嘅感覺我，而且style都覺得好適合🙆🏻u200d♀️咁big day攝影師要出出入入，如果普通溝通都有問題, 就真係搞唔掂啦🙅🏻u200d♀️佢哋比咗好多關於流程上嘅建議我，會講自己嘅經驗，例如就係婚禮可能會發生嘅情況、佢哋會幫我點處理問題等等😬佢哋比到一個有商有量嘅感覺我，好多嘢都有得傾，有咩要改同執都可以出聲。而且如果你有咩問題，佢哋都真係會好用心機幫你諗‼️big day當日影嘅相感覺好溫馨同自然，比我想像中更加好😍佢哋都好識得帶動氣氛同埋執生😉自從聽完朋友分享之後覺得這些都唔係必然🤣都明白到有經驗真係好重要，我覺得佢哋都真係做到好貼心💗

我哋係朋友介紹，佢哋影過The Stage覺得幾好，咁但係我哋都有再去睇下其他，又有去婚展，咁我地覺得去完其他都係咁上下，無咩特別，所以就都係聽返朋友介紹喇！因為係出國攝影，所以想找一個有保證嘅攝影師。同埋我哋都睇過佢D評價，知道Kenneth 係十大婚禮攝影師，所以選擇他作為我嘅婚紗攝影師。

到我哋同佢哋去開會個陣，佢哋係非常詳盡解釋👍🏻。因為我哋其實都轉過地方，係因為恐襲問題所以就無去到法國。咁我哋同Kenneth開會，佢真係好細緻，好detailed咁解釋一次每一個step、每一個細節，嗰個地方有咩特別呀......咁樣。後尾我哋轉咗去布拉格，佢都係好用心去講解哂布拉格有咩特別，邊喥影會靚、咩時間、可以點樣安排，又攞哂以往D相俾我哋睇下做reference。

至於佢哋個化妝師都係好好，會問哂我哋有咩要求，溝通得好好，D衫就係我哋係香港揀好，就自己攞過去。當日咁啱我哋班機delay咗，本身原定計劃係去到嗰邊，我哋會抖幾個鐘，然後就會化妝咁樣，但係最後我哋轉咗第二班機去到，就只可以抖得兩個鐘就要影，事實上我哋都好攰，都擔心咁樣就未必會影得靚。但係Kenneth佢哋嚟到，了解完就好好，佢就遲一日幫我哋影，俾我哋好好休息完再影，最後爭取時間係影到佢哋臨上機前兩個鐘咁滯。我哋好欣賞佢哋處理突發事時候都好配合到，同埋真係會好就得我哋👏🏼👏🏼，我哋成個過程都係影得好舒服好開心😃。