翠亨邨 (尖沙咀)
Tsui Hang Village (Tsimshatsui)
4
香港尖沙咀彌敦道132號美麗華商場5樓
2376 2891
套餐詳情
簡介
中式套餐
HK$ 7988
Elegant
中式套餐
HK$ 7988
Opulant / Enchanting
中式套餐
HK$ 8888
最新評論
整體滿意度
4
過濾評語:
Fkwc2011
4
精選評論
服務 / 婚宴日期: 2015.08.14      
我個人認為食物質素好重要,始終賓客有比人情,如果嘢食唔好味嘅話我會過意唔去,而且呢個係表示謝意嘅方法。我本身都有諗過酒店,但因為真係好出名或者好好味嘅中菜唔多,例如天寶閣、Eaton等等,但又覺得未必需要擺酒店咁大陣仗,所有最後淨係睇咗網上嘅menu大概知道價錢幾多。去過睇過翠亨邨site visit,覺得佈置場地等都…
我個人認為食物質素好重要,始終賓客有比人情,如果嘢食唔好味嘅話我會過意唔去,而且呢個係表示謝意嘅方法。我本身都有諗過酒店,但因為真係好出名或者好好味嘅中菜唔多,例如天寶閣、Eaton等等,但又覺得未必需要擺酒店咁大陣仗,所有最後淨係睇咗網上嘅menu大概知道價錢幾多。去過睇過翠亨邨site visit,覺得佈置場地等都幾精緻,我自己又唔需要好grand、水晶燈嗰啲,最重要都係口碑。site visit嗰陣部長Patrick已經同哂我地講所有詳情,就連當日會飲邊款酒都講埋,雖然佢只係咁啱過嚟代另一位同事介紹,但之後都有一直跟足,唔係佢負責範圍都十分盡責。 之後酒樓方面都有問幾時confirm人數、圍數、餐單等等,但我都係交比我先生處理。例如問魚翅嘅代替品,佢都好快比左其他款式比我,例如燕窩羮。佢地有兩個同事貼身跟住新人,台上台下都好幫得手:一個負責遞酒、花球、提醒幾時夠鐘等等,另一個就負責周圍走拎野嘅。當晚我都有食到嘢,雖然唔多,但酒樓最尾有打包比我返去食。而且佢地比左一晚美麗華我住,所以梳洗嗰陣有食到,啲嘢食就算凍咗都幾好味,所以我諗賓客應該幾滿意,而且聽賓客講係飽到食唔落,同埋荷葉飯同飯後糕點例如桂花糕等等都幾好味。所以我諗份量好足之餘質素亦唔錯。佢個package包哂所有紅酒白酒,又會有張單話比我聽開左幾多支酒,所有嘢都好清楚好滿意。音響方面幾好,冇聽到有人講好嘈或者聽唔到。 不過當日有賓客話連橙都未食哂就已經開始執野,後尾酒樓有同返我地話樓上有裝修,驚賓客走嗰陣裝修工人同啲物料會影響到佢地。佢話唔係趕我地走,只係想快啲執野,不過個感覺就會好趕,太快手,可能佢地執野真係好高效率。當時我係台上面影緊相,就見到台下面係到執緊野,所以係有少少美中不足。 我諗新人主要係要睇返自己嘅負擔能力,唔係話酒店擺唔起,而係要衡量返自己想要啲乜,例如想要食物質素好、或者服務質素好嘅,已經好快可以排除好多間。而且都要問返屋企人嘅意見,如果乎合返其他人嘅期望就最好。結婚係件開心嘅事,唔應該為錢銀嘅事而煩惱,一切量力而為就最好。
聯絡資料
2376 2891
themiramthv@yahoo.com.hk
最新優惠
聯絡商戶