我地一開頭係去冠南華睇左先，但係價錢實在太貴。而榮華禮服既價錢合理好多，望落亦都好閃😎。而我同太太都有共識覺得褂唔洗租咁貴，反正都係斟茶個陣影幾張相，所以我地預既budget比較少。不過榮華既職員有啲hard sell,我地唔洗過大禮佢地都係咁sell我地買呢樣買個樣，還褂個陣又叫我地放低兩封利是，象徵利利是是，有啲呃既感覺😅

朋友推薦我去榮華租褂，我都好滿意。試既時候佢地要收$200試褂費，但如果幫襯佢地既話可以扣返。我試左好幾件唔同款，唔同顏色既褂，最後揀左金色既褂后。佢地既褂好新淨，仲保證係五手內👍🏼👍🏼。幫我個個auntie 叫玲玲姐，佢好親切同好客氣，會俾好多意見我，話我知邊啲色襯我。Book左之後可以再換款，但我就無再轉。我老公都覺得啲款靚，所以揀左件馬褂。加上我朋友都用過呢間舖頭，所以我好放心。四千幾蚊租到兩件咁高質素既褂，服務又好好，真係好滿意❤。