我地上網搵到Bryan，雖然佢唔算好多followers，但一啲都唔遜色。最吸引到我地係佢嘅風格，同埋佢對光線控制得好好。我地去左獅子會同大帽山影，佢好用心咁幫我地影。我地之前係韓國都有影到婚紗相，但係就好工廠式。韓國個攝影師會cue我地要大笑、微笑，不過我先生就唔鍾意露齒笑同埋好chok個種，所以覺得韓國嗰邊影得唔自然。但係Bryan就可以引導到我地自然咁擺pose，唔會好公式，可以好自然！同埋佢地都好多衫揀，化妝都好好，唔會話痴好多假眼睫毛、攪好多野，都係好自然。出到尼個效果好好，好過我預期！最後喺韓國影個啲我反而都無點用到。佢地交相都好快，我地十二月頭影，十二月尾擺酒就已經有，好快手。