其實睇呢間前都睇過其他舖頭，不過有啲舖頭都幾狼死，要收試衫費。而呢間就比較好，可以免費試一條。當日我試完一條後，sales姐姐見我哋真係有心揀，就再主動offer多一條俾我試。負責幫我試裙嘅sales係Didi，佢只係同我傾咗一陣就好快知道我想要咩，拎咗幾件衫出嚟，而嗰幾條裙又真係好接近我想要嘅野。我覺得佢哋有誠意，個價錢又幾抵，所以就揀佢哋。 佢哋個package真係好抵， $4980已經包咗兩套男禮服、一條裙褂、一件婚紗、兩條晚裝。佢嘅款式係多，但同一款嘅size就唔多，所以實際上有嘅選擇唔多。我媽媽同奶奶都有上去試衫，原本想一條龍搞掂，但都係揀唔到。 真係要喺度讚吓幫我哋試衫嘅Didi，佢真係好 nice，又有經驗，比嘅意見亦都好中肯，而且佢仲私底下比我轉咗個款。其實揀衫嗰日媽媽同奶奶一齊去，佢哋好多意見，你一句我一句咁，但Didi都好有耐性。