我地係frd介紹比我，質素真係麻麻地，上面Ｄ衫都好明顯係唔太乾淨，好多衫都爆左線！但佢地真係好平，例如姊妹裙$150一套，媽媽衫就$550一套，Ｄ衫係夠多，但好難揀啱心水，好似係洗衣舖度揀衫！個場就有好多嘢，另外係太多人佢地唔得閒招呼你！

我㨂呢間嘅原因係因為我會睇櫥窗遇到啱嘅先入，呢間其實已經係金巴利道差唔多行到尾，大概係第三間，咁啱櫥窗有件衫吸引就入左去。我嘅要求係simple elegant，佢嘅衫都simple，因為我唔鐘意太多珠、太華麗嘅，佢就正正符合我嘅要求，清雅啲。唔知係咪因為呢個原因，價錢都偏低，又清雅又平就正岩我！因為價錢對我黎講都真係幾平，所以即刻扑槌，同埋冇試衫費。 最後租左六套，落單果陣已約埋幾時揀衫做fitting。我係直接睇實貨揀，都好容易揀到，同埋過程都順利。乾淨程度可接受，始終租嘅有啲啲舊，但都可接受。 佢仲要係唔需加錢嘅情況下俾多左套婚紗我。因為我係註完冊之後有擺cocktail，諗住會想周圍行，但又唔想著住套大拖尾。當時佢咁啱擺左條冇拖尾，簡約嘅婚紗出來，咁啱我又幾鐘意呢件，跟住我就有少少怕醜咁問佢可唔可以加呢件，問佢價錢。點知佢話：「唔洗啦，你鐘意就咁要啦。」佢冇乜所謂，佢嘅服務態度係好好，因為佢重視客人多過賺錢。成間店得一個人叫Ada，好nice！ 其實我一早已經confirm哂啲裙，但係final fit果日咁岩有新款返左，我覺得啲裙好靚，不過我冇講出口，因為我知自己一早已經揀左。不過Ada竟然話覺得我有兩件晚禮服都係魚尾，有冇考慮換過一件。跟住我問，咁係咪即係我依加可以轉，佢話係。於是我即時就開口講話你有一件新返嘅真係好靚！我好快已經介紹左另一個朋友黎，都用緊佢嘅服務。