其實我一早就預咗要俾三筆試妝費去試清楚邊位化妝師最夾自己。俾個tips各位，千其唔好因為怕蝕咗試妝費，又或者係怕唔好意思試完妝唔幫襯就逼自己去confirm一個自己都唔肯定既化妝師。試妝既重點係要試溝通，整體造型，同埋往往好多人忘記留意既就係速度！我試咗一個化妝師，佢整咗成2個鐘，當日根本係唔會有咁長時間去慢慢咁化。 好喇，Sylvia Lee呢位化妝師係朋友介紹俾我嘅，因為我自己本身十分著重結婚當天的髮型設計，希望set得特別啲，而朋友就向我推介佢，話佢整頭髮整得好靚。其實我除了呢位化妝師，我仲試過另外兩位化妝師，不過試完都唔係好啱。但嗰日一响Sylvia度試完妝我就已經決定搵佢幫我化，因為我覺得個妝同個髮型都好啱我，而且佢同我好好傾，仲好貼心。 因為我係喺試妝當天決定搵佢幫手，所以就唔使俾$500試妝費。Sylvia負責結婚當天由早到晚的化妝，而我額外加了少少錢請佢全日貼身跟著我(本來佢中段時間會有2-3小時係off嘅)，共$6800。 結婚當天，Sylvia好準時到達，而且真係成日都standby在我附近，如在教堂行禮時，佢唔係自己坐埋一邊，佢係坐定喺旁邊隨時ready幫我整返好個頭紗同補妝。最impress我嘅係佢真係好快手，轉妝嘅速度好快，髮型設計真係好特別，而且我見到佢確實好用心幫我化妝同set頭。其實喺婚禮前，我亦有問咗佢好多意見，如頭花可以用邊種花，佢都好樂意俾意見我。