家有喜事
Heissi Wedding
4
香港觀塘巧明街109號榮昌工業大廈3樓C室
3998 3632
最新評論
整體滿意度
4
過濾評語:
Jan
3
精選評論
服務 / 婚宴日期: 2017.10.10      
因為有熟人介紹所以有7折,但折左都唔係平,佢D款就比較似係廣州婚紗街都搵到既款,好俗氣,就算折左都好貴,租左2件奶奶衫都$2400,佢地D服務係殷勤,唔係話hardsell,但乜都話靚,就算係麻麻地,唔啱身既衫都話有得改,之後會變靚,但係件衫咁細點改大呀,佢地係唔會太講中肯說話囉。…
因為有熟人介紹所以有7折,但折左都唔係平,佢D款就比較似係廣州婚紗街都搵到既款,好俗氣,就算折左都好貴,租左2件奶奶衫都$2400,佢地D服務係殷勤,唔係話hardsell,但乜都話靚,就算係麻麻地,唔啱身既衫都話有得改,之後會變靚,但係件衫咁細點改大呀,佢地係唔會太講中肯說話囉。
婚紗禮服租借
Tobychiu
5
精選評論
服務 / 婚宴日期: 2016.03.20      
喺我要搵公司幫手design 婚宴backdrop嗰時格過幾間價,覺得家有喜事佢哋嘅價錢係最優惠。因為正常backdrop係16 X 10尺,我加大咗要10 X 20尺,佢哋都係收咗我$5880(原尺吋的話好似係$3980),已經包晒上面所有嘅物料、布藝、假花同設計!我原本有戶外註冊場地,所以就問問佢要加幾多錢,結果都…
喺我要搵公司幫手design 婚宴backdrop嗰時格過幾間價,覺得家有喜事佢哋嘅價錢係最優惠。因為正常backdrop係16 X 10尺,我加大咗要10 X 20尺,佢哋都係收咗我$5880(原尺吋的話好似係$3980),已經包晒上面所有嘅物料、布藝、假花同設計!我原本有戶外註冊場地,所以就問問佢要加幾多錢,結果都唔使$1000佢就幫我做埋戶外嗰部分。因為佢話油畫架、蛋糕枱都係可以之後夜晚搬返室內用,所以唔使加錢。佢仲包埋我拱門,話只要唔係要轉尺吋就唔使加好多錢,因為原本都已經預咗運過嚟俾我用。 戶外場地4點用,就俾我哋2點鐘開始set up。點知,到3點半左右開始落雨!佢哋就即係同我老公夾手夾腳將所有set up搬返入室內(嗰時我換緊衫都唔知咩事)。入到室內個環境唔同晒,但佢哋好自動自覺咁即刻幫我重新再set up。我見到佢哋負責人,問吓佢哋點,佢哋答我「我實搞掂俾你,你放心!」。到我一出到嚟,就已經覺得個set up好滿意。佢哋記得晒我之前話想影相啲效果係點,幫我安排各樣嘢嘅位置,又將拱門放喺證婚枱後面。喺婚禮當中遇到突發情況,可以有人同你咁講仲真係搞掂到,真係好感動。連我老公都話臨時臨急佢哋都無搞到啲嘢甩皮甩骨仲咁好已經好好。然後backdrop個名牌其實係我自己淘寶,唔係搵佢哋整,因為佢叫我自己去買都得,如果搵佢哋整就一定會貴,所以佢哋真係一啲都唔hard sell,仲真心為你著想。之後就幫我上埋個名牌上backdrop度無收我extra錢。不單係服務好,造工各樣嘢都好靚,非常感謝!
場地佈置
最新優惠
聯絡商戶