Anthony 好有經驗，同埋佢講嘢好快！註冊前佢同我哋講返成個流程，不過當時我哋轉緊妝，其實唔喺好聽得入耳。佢同我哋講，因為到時好忙好亂，到時叫我做乜就做乜，簽乜就簽乜，我哋就只喺一個傀儡，因為我哋都顧唔到啲乜哈哈。briefing好detail，但其實好快已經唔記得哂。 Anthony嘅談吐好得體，聲量適中，同埋佢會做埋主持人嘅角色。佢本身有要求pickup埋主持嗰part，總之成個證婚嘅過程就由佢in charge，由一開始嘅嘉賓就座直到完哂成個證婚。我自己覺得，因為兄弟姊妹未必熟悉證婚，所以Anthony幫我哋做埋，就會令成個流程好smooth，而事實上佢都做得好好，喺星級嘅證婚律師！

我一早喺兩年前book咗佢，因為佢booking太full，好好彩地仲要以當年落單個價錢計。 我哋見過佢上Big Boyz Club做訪問，又聽到朋友講起佢，知道佢做證婚監禮人做成點，同埋會提供啲咩服務，聽完之後覺得佢比我想像中做得多，而且仲做埋司儀！佢會幫新娘舒緩情緒同埋rehearsal，又會預先同新娘嘅父母講返簽名環節喺點，證婚嗰刻亦會從旁提我一陣要點做，又話我聽邊個位影相會靚啲，或者擺咩pose等等，會幫我諗好多嘢！證婚前同證婚後都會幫我考慮到好多。bigday前兩個月佢仲會約我出嚟check一check我啲個人資料同證件，有咩想問亦可以問返佢，佢好樂意解答。