紅豆婚紗攝影
Red Bean Wedding
4.5
最新評語
整體滿意度
4.5
過濾評語:
KCC
4
精選評論
香港人又多,我先生又唔係香港人,我哋都覺得喺香港影prewedding無咩意思,所以就諗住去台灣影婚紗相,順便當去旅行。於是,我就喺Facebook度搵台灣prewedding嘅攝影公司。我又去過婚展,但就無咩得著。之後我有個朋友就同我講佢之前喺台灣搵過攝影師Rex幫佢哋影,影得好好,同埋佢宜家自己出咗去開另一間公司,…
香港人又多,我先生又唔係香港人,我哋都覺得喺香港影prewedding無咩意思,所以就諗住去台灣影婚紗相,順便當去旅行。於是,我就喺Facebook度搵台灣prewedding嘅攝影公司。我又去過婚展,但就無咩得著。之後我有個朋友就同我講佢之前喺台灣搵過攝影師Rex幫佢哋影,影得好好,同埋佢宜家自己出咗去開另一間公司,就係紅豆。所以我就上Facebook同email聯絡紅豆嗰邊同埋睇吓啲package。一開頭我哋都諗住搵Rex幫我哋影嘅,但我哋過去嗰個檔期佢就唔得閒,所以佢哋嘅sales就叫我哋上網睇下其他攝影師嘅風格啱唔啱。我哋上網睇完,覺得女攝影師Amber嘅風格都幾啱就搵咗佢。我記得我join紅豆嗰時個package都唔貴,大約一萬港紙(不過宜家好似加價喇)。我用paypal俾訂,然後到影嗰時就飛過去台中。 去到嗰日首先試攝影師,我覺得Amber性格好爽快,都好易合作。我哋同佢傾吓第二日想去邊度影同埋想影咩風格,之後就去試衫。溝通主要喺用國語,對於我先生就完全無問題。不過因為真係好多香港人幫襯,所以佢都識一兩句廣東話,例如佢會同我哋講”笑多啲!笑多啲!”之類。揀衫嗰度好多款揀,但真係靚嗰啲都要加錢。例如有5排衫,可能有3排靚啲嘅著出去的話都要加錢。雖然喺唔使加錢嘅款當中我都揀到嘅,但相對要加錢嘅衫就少款啲喇。我自己就覺得好肉痛,不過佢要加錢嗰啲衫著出嚟真係靚啲嘅。有件我試完出嚟,我老公都話「嘩,呢件加錢啦!」,所以我都有揀到要加錢嘅衫。不過,如果唔使加錢都可以多返啲款就更好喇!另外,個妝化得好好,我好鐘意,我直頭想問個化妝師之後可唔可以嚟香港幫我化。我本身都好鐘意用花嘅頭飾,佢用花用得好好,整得好靚,又唔覺得誇張,所以好滿意。 第二日,我哋就去咗一個攝影基地影相,入面好多場景。聽講宜家台灣都好興整呢啲攝影場境,但係就要跟啲攝影公司先入到去,自己係唔可以入去影。因為我哋2個自己以前已經去過清境,所以都無話特別想去嗰啲地方度影,都係主要喺攝影基地度影,之後就返studio再影。影完之後一日就有相揀,佢哋會將啲相基本tune色,然後就有個類似apps嘅嘢俾我哋睇同揀相,勾返想要嘅160張。我哋個package包160張相,佢就大約影左200張多啲,然後每揀多一張就500蚊。佢都無話鼓勵我哋揀多啲,喺我哋仲差4張先揀夠160張,但又覺得好似張張都好OK嗰時,佢先有走嚟問吓我哋揀唔揀到。佢問我哋喺宜家OK定想揀埋4張,我哋就同佢講想揀埋4張,之後佢就叫我哋慢慢揀,完全唔會俾壓力我哋。其實反而係我覺得唔係幾好意思,佢咁俾心機影但我有啲相就delete咗唔揀。不過無計啦,朝早啲相我啲水腫未散,影到我好肥,我就唔想揀嗰啲,所以某啲我一睇就已經唔要。最後因為我無加錢執相、無加相、無排版就跟原本個package全部直出,即使係影相嗰時加咗啲道具,埋單都係大約$13000左右。 最後佢哋寄返本相簿俾我,因為一早已經俾咗soft copy我,我又放左喺手機度日日有得睇,所以攞住嗰本嘢咁重又無排版直出,都無乜特別感覺。我都只係整咗一本相薄,諗住過完晚宴都係放喺床下底多架喇,不如留返啲錢做吓其他嘢啦!
Prewedding婚紗攝影
poleechan
5
精選評論
其實我一早都諗住pre-wedding去台灣影,而我朋友就介紹呢間俾我話佢地好好。我總共影咗兩個package,一個景响台中嘅老英格蘭酒店,另一個就响清境農場,因為古堡嗰到太遠,而且一定要住一晚先可以影婚紗相,所以要分開兩個package。古堡嗰到超靚,嗰日又咁啱只得我哋一對新人,所以影得好順暢,因為冇其他人爭住影。…
其實我一早都諗住pre-wedding去台灣影,而我朋友就介紹呢間俾我話佢地好好。我總共影咗兩個package,一個景响台中嘅老英格蘭酒店,另一個就响清境農場,因為古堡嗰到太遠,而且一定要住一晚先可以影婚紗相,所以要分開兩個package。古堡嗰到超靚,嗰日又咁啱只得我哋一對新人,所以影得好順暢,因為冇其他人爭住影。 有兩個攝影師都好好,其中一個好似叫Hayle。成個過程好順利,服務態度方面同香港嘅服務簡直係完全兩回事。影嗰陣每一個人都會問我哋飲唔飲水同好緊張我哋攰唔攰。特別係有一日落好大雨,嗰個助手即時開遮,一路遮住我同我老公而完全無理自己,一路帶我哋去避雨,服務真係好好! 好多謝佢哋嘅服務精神,而且相片質素亦唔差!因為間公司唔收信用卡淨係收現金,去到旅程最尾嗰日我同老公得返好少現金係身,佢哋就好擔心我哋,係咁問我地會唔會唔夠錢搭車同埋有冇嘢食。 我諗台灣嘅服務點都係好啲,可能同佢哋文化有關,就連唔多關事嘅人都好有禮貌,例如改衫個姨姨就對我哋好好。價錢方面好抵,我拎咗三百幾張相,可以任修圖,修到滿意為止。佢哋亦十分快手,第一日開會㨂衫同改衫,第二日影相,第三日夜晚就可以全檔拎走!相簿就後尾寄返香港俾我。
Prewedding婚紗攝影
聯絡資料
redbean.wedding@gmail.com
更多優質選項
攝影
4.8
攝影
4
攝影
4.6
攝影
4.2
攝影
4
攝影
4.6
攝影
0
攝影
4.4
攝影
4.6
攝影
4.3
攝影
4.8
攝影
4.8
攝影
4.8
攝影
3.9
婚紗禮服/媽媽衫
4.7
婚禮化妝造型
0
最新優惠
聯絡商戶