Well Well好準時，仲佈置得好靚！呢間店喺我自己喺尖沙咀求其搵到嘅，雖然行過婚展，但真喺太多選擇，五花八門，有啲唔知點樣揀好，而且好大壓迫感，講到好吸引同埋想你喺婚展join，所以最尾都冇乜喺婚展幫襯過，反而鐘意自己上網同行街搵。 我哋bigday前兩三個月先搵Well Well，不過我哋一去到佢哋鋪頭就決定用佢哋，亦冇再行過其他鋪頭，即刻落咗訂。佢哋講解得好清楚，我哋喺The One煌府擺，佢俾咗煌府個場嘅decorations我哋參考，又問我哋有咩要求。我好鐘意Hello Kitty，所以我老公就希望佢哋可以整到，又同咗佢哋想講要黑、白同桃紅色，只要有呢幾個元素就OK。可能因為我哋嘅要求唔算複雜，而且咁啱佢哋有個同事好鐘意Hello Kitty，所以同佢講完想要啲咩同喺邊擺之後，隔咗兩三個禮拜就俾咗初稿我哋，亦唔需要催佢哋。 我整咗個人形紙板公仔，佢本身話有塊board淨咗出來，問我哋想要整啲咩，我就俾佢哋決定。點知我哋去到會場，發現佢哋竟然額外整咗Hello Kitty嘅蝴蝶結，可以俾賓客揸住嚟影相！！而我喺直到嗰刻先知。另外，連welcome board同埋座位表都喺用Hello Kitty整，好靚！ 後尾我有whatsapp佢哋多謝返，同佢講咗好多人都好鐘意個佈置。然後我發現，佢原來喺當日有嚟過睇當日情況，但我哋唔知，仲影咗張相俾我睇，不過因為見我同賓客相處緊就冇打擾我哋，呢件事睇得出佢哋都好緊張自己嘅客人同作品，亦好感激佢哋俾咗一個咁靚嘅佈置我哋:)