佢地有一條龍服務，我覺得佢哋design方面係出色嘅。今次個backdrop大概一萬蚊，但喺就tailor made，只要我哋俾個concept佢，話俾佢聽我哋想點佈置，跟住佢就會配合做番出嚟。因為我自己鐘意羽毛球，但喺屋企人又鐘意紅色，所以backdrop就喺紅色加羽毛球。 不過，傾細節同價錢時冇講到2D定3D嘅問題，2D出嚟效果冇咁好，所以睇完個效果之後，有啲後悔冇做3D，不過因為嗰陣自己冇2D／3D嘅概念，所以就忽略咗。 另外，通常新人嘅名都會擺喺backdrop最高，以免被其他遮到。雖然佢之前有問過我哋嘅高度，但最尾我地一企埋去就會遮住個名。我建議可以主動講解多啲，如講埋有3D嘅option，因為新人其實對呢啲事冇乜概念。

我本身喺呢間影過prewedding，我後期先搵佢哋影bigday，收咗我哋好平，不過淨喺做夜晚嗰part，大概4個鐘，1位攝影師。 攝影師好準時到，甚至喺早到咗。Bigday成日流程都好順暢，因為唔會覺得佢出現緊，佢只喺周圍影snap，燈光方面都喺配合番另一間公司去影。一個月左右就俾哂所有相俾我，好快！質素ok，不過又唔以講喺好outstanding，唔失望，但都冇喜出望外。其實佢哋成間野都喺above average,如果A-E之間俾分嘅話，我會俾B。