煌苑
Royal Courtyard
4
香港尖沙咀彌敦道100號The One 5樓503號舖
9888 2622
最新評論
整體滿意度
4
過濾評語:
keaan91
4
精選評論
服務 / 婚宴日期: 2016.01.12      
我其實之前都喺外國,啱啱9月中喺澳洲結婚,我10月尾先返到黎香港嘅。返到黎香港,我啲屋企人當然想我快啲喺香港擺埋酒,再加上啲長輩話2016年唔係好年,想我2015年內擺埋酒,就更加之趕,新年前就得返嗰兩三個月。其實嗰時啲時間已經咁趕,好多場地已經full晒。我問過好多間其他酒樓,嗰時基本上星期六日都無可能book到架喇…
我其實之前都喺外國,啱啱9月中喺澳洲結婚,我10月尾先返到黎香港嘅。返到黎香港,我啲屋企人當然想我快啲喺香港擺埋酒,再加上啲長輩話2016年唔係好年,想我2015年內擺埋酒,就更加之趕,新年前就得返嗰兩三個月。其實嗰時啲時間已經咁趕,好多場地已經full晒。我問過好多間其他酒樓,嗰時基本上星期六日都無可能book到架喇。咁後來就決定唔再只係靠打電話去搵,直頭出去啲酒樓度問,而嗰時我第一間上門問嘅就係煌苑。 咁我上到去煌苑,佢哋職員Becky就幫我check下啲schedule,見到前排有個人嚟問過,但係只係留咗個名就未訂實嘅,於是佢就幫我打電話去問嗰個人係咪confirm定可以放返嗰個位出嚟,我當時就係名單上排緊第二。不過因為我上去嗰日之後一日就已經要離開香港,於是我就同佢地講落住$1000訂先。嗰時佢地就問我幾時可以confirm,但我就同佢地講「唔好意思,我聽日就要飛喇」。佢地知道我之後要11月wedding expo嗰時先可以再返黎,就同我講「咁好啦,你可以到時返嚟婚紗展嗰時先俾埋個大訂」。其實$1000訂真係好少錢嚟,所以佢地之後咁都肯幫我hold住個booking我都覺得佢地真係幾有誠意。我覺得佢嘅服務真係幾好又幫到手。 後來11月婚紗展嗰個時間我先再返嚟香港,就去交返大訂。嗰時我都諗住搵返Becky去埋數嘅,但因為佢喺婚紗展都好忙,最後就係其他staff幫我處理。佢地個計法係一圍$1000訂,所以嗰時就俾埋其他圍數嘅錢,跟住後期啲就再俾二訂。之後幾次再返去傾關於婚宴嘅安排就有幾次喺Becky跟,有幾次喺其他嘅staff跟咁。我覺得大家都幾幫得手嘅,但收完錢之後做嘢嗰時俾我個感覺就比較chur同急啦,好似想快啲搞掂完咗件事咁,不過我都體諒嘅。可能呢啲就係香港模式我未喺太慣啦,如果佢地可以細心啲咁就更加好喇。 婚宴當日我地就由如心過去,我地覺得佢地幫我地安排位置放我地自己啲私人嘢嗰啲都OK,幾妥當。嗰場地嘅equipment都唔錯,咪、音響、燈光同播片嗰啲都好OK,無問題。傳菜嗰啲都好順利,無咩問題,啲長輩評價都唔錯,話我地揀得好。 最後唯一有少少意見嘅地方就係佢地收tips嗰方面。婚宴開始之前都有話嗰日大約有幾多員工,咁就傾個好意頭嘅價錢俾返少少打賞咁,我地都同意咗嘅。不過到最後婚宴完晒,啲賓客都走晒嗰時,就同我地講如果覺得大家做得好嘅話就可以額外再俾啲tips大家。我聽到嗰刻其實就真係令到個滿意度無咁高嘅,但我都有再額外俾到嗰筆tips,大約係$1000-$2000左右啦。我諗主要喺嗰個「索取」嘅感覺令我覺得唔係幾好,如果一開始講明咗嘅話我就會比較有預備。不過除此之外其實overall個服務我都好滿意。
聯絡資料
9888 2622
palace88@biznetvigator.com
最新優惠
聯絡商戶