我哋揀呢間係因為佢哋價錢比出面平好多，均真又合理，仲可以Customize款。 嗰日serve我嘅staff叫Andy。佢解釋得好清楚，就好似我哋睇嗰D款係唔係「內卜」(即係戒指內圈入面有冇少少拱起)，因為「內卜」戴起上嚟就貼手啲舒服啲。同時，佢都盡量俾個最優惠嘅價錢我哋！ 佢哋D款簡簡單單，亦都有啲獨特嘅款式，但係又未至於好似Forever Couple 嗰啲咁特別。不過佢哋都幾快手，我訂咗兩三個禮拜，對戒指就返到嚟。

我之前見到我朋友隻結婚戒指個款好特別，就問咗佢間店叫咩名，就係A Diamond。我鐘意佢嗰度啲款可以通字，一邊刻名、一邊刻日期，咁就唔會唔記得自己幾時結婚（主要係幫我老公記），又有意義啲。我都有睇過i-primo但就覺得嗰間好貴。所以我就上咗A Diamond佢哋個facebook嗰度睇過款先再上佢哋舖頭，佢哋間舖喺百利。 上到去佢哋有2個職員喺度，一男一女嚟。佢哋唔會hard sell，都係叫我哋睇下啲款啱唔啱。由於我之前上網睇已經揀定咗，就直接同佢哋講想要邊款。之後佢哋就再同我哋傾個design，因為同一款都可以有唔同design唔同價錢，例如大細、有無石之類。傾好之後，佢哋就幫我哋mark資料同度圈。 造好之後，佢哋就打俾我哋叫我哋去上去試吓個size啱唔啱。嗰時一試就有啲鬆，佢哋就再幫我改返緊。最後出到嚟都同我想像中一樣，我覺得一對白金戒指以呢個價錢嚟講真係算抵。