造衫我係搵咗DanieLeslie，係賣佢哋自己design嘅衫，我造咗一件婚紗一件晚裝。我本身係想搵長袖婚紗，當初仲未係好興，所以好多舖頭都話冇，後尾我哋經過一間唔係好大路嘅，見到一件樽領長袖婚紗，完全係我想要嘅嘢，但係下面條裙就唔係好啱心水，所以都係重新再造過一條。 不過，如果溝通上好啲會更加好，例如我想個袖長啲，佢就幫我成個袖整長咗，但係我只係想手背個位長啲。 服務我嘅係兩位女同事，佢哋都非常之貼心，而啲衫嘅質料都係非常好。