因為我哋婚宴都多小朋友，而且波波趣味性高，扭出嚟又靚，好吸引啲賓客去影相，所以搵咗佢哋整汽球佈置。佢哋有相俾我哋揀，真係扭得好靚又好似，出嚟效果又靚。我哋好鍾意Cony同Brown，佢哋扭左個差唔多人咁高嘅婚禮造型出嚟，收費都唔錯。 我同佢哋係電話溝通，問佢哋收費，佢哋都唔hard sell，你同佢講你想要啲乜，佢哋即刻whatsapp回應俾啲圖片你，好快手，咁我哋好快就做到決定。 Big day當日，佢哋好準時。佢哋嗰日有兩個人過嚟，用左佢哋兩個鐘service。佢哋係整得靚，都有人同我講返係抵請，小朋友又好鍾意。因為婚宴通常都係大人食飯，小朋友好悶，大人可以自娛，但係都要諗埋小朋友。有扭波service爸爸媽媽可以陪小朋友去扭，大家又可以拎住扭左嘅波傾下計。最多人扭elsa，好似仲有pokemon。