RINGO WORKSHOP Image makeup and hair -MUA
5
香港觀塘巧明街116號萬年工業大廈13樓07室
9516 7349
最新評論
整體滿意度
5
過濾評語:
boy88213
5
精選評論
其實我搵咗好多個化妝師,喺婚展度搵,friend又有介紹俾我,自己上網亦都又有搵,見有免費試妝就衝上去,搵左好多間但都唔適合。但後來可能因為我search好多化妝post,有一日facebook就出左個sponsored post,見到幾靚幾清新就click入去睇下,一睇完就約試妝,試完妝就知道一定係呢間。因為我想搵啲…
其實我搵咗好多個化妝師,喺婚展度搵,friend又有介紹俾我,自己上網亦都又有搵,見有免費試妝就衝上去,搵左好多間但都唔適合。但後來可能因為我search好多化妝post,有一日facebook就出左個sponsored post,見到幾靚幾清新就click入去睇下,一睇完就約試妝,試完妝就知道一定係呢間。因為我想搵啲清新啲嘅化妝,好怕超濃妝。Ringo自己都強調自己係鍾意一啲清新風格,同埋佢之前係做fashion嘅野,後來轉左嚟做wedding,因為佢覺得wedding更加開心自主。我自己都覺得呢個background幾好,當初都係咁樣俾佢吸引。 見面嘅時候佢都一直同我講,叫我睇吓o唔ok,唔ok都冇所謂,最緊要搵到自己適合嘅。我覺得佢都對自己有一定嘅信心,佢成個concept係最緊要夾,啱先再搵佢。試妝收費係試唔啱先要收費,如果試啱訂左佢big day嘅話試妝費就會扣返入big day費用。 有樣嘢我一定要讚吓Ringo,正常化妝師係有一個trial之後就直接big day見,但係Ringo超好就係佢big day前仲有一個final trial,真係超細心!Trial嗰日主要試左一兩個頭,影哂相紀錄咗,到final trial嘅時候佢叫我confirm咗嘅衫就俾佢睇,final trial當日再試一次俾我,睇下我覺得鍾唔鍾意。佢唔單止影哂相俾我,仲要勁好心機咁整咗個拼圖,當我著邊件衫係襯邊個頭,仲whatsapp埋俾我,等我可以whatsapp俾姊妹,話:「拿到時新娘就係呢個combination喇,大家可以幫手留意吓下!」真係超級好! 到big day當日Ringo主要跟我,我仲book埋佢個助手負責跟兩位媽媽。當日全日都好順暢,因為本身我唔係book Ringo一日,淨係book佢朝早同夜晚session,外影嘅時候就自己搞掂。咁我同Ringo講可唔可以幫我set個褂頭西式少少,等我可以轉少少飾物就出去外影。佢唔會因為我冇book佢全日就做少啲,反而好好心機咁話:「好啦,咁我幫你砌個花環出嚟,然後教埋你嘅個姊妹點樣可以幫手轉頭。」佢真係好貼心。其實朝早好似打仗咁好忙架嘛,佢都好識得走位,當攝影師可能有啲野忙緊,或者我有啲野忙緊先捉走我嘅姊妹去教佢點轉頭,一要用到姊妹嘅時候佢就可以即刻放返佢出嚟,所以佢真係好細心。 Ringo係好到連我老公都讚佢,因為佢都會輕輕幫我老公補下妝,老公都話Ringo建立到一個好輕鬆嘅氣氛,talkative得嚟又唔會too much,好識得睇位。見到我哋緊張又會撩我哋傾計,讚下我哋等我哋輕鬆啲,又唔會太刻意。老公係好怕化妝嘅人,但化出嚟佢都覺得好自然。所有妝呀髮型呀啲親戚都讚,我都覺得好滿意。 我覺得Ringo真係完美,因為佢係做多咗,一個唔係full day嘅package,但係佢俾咗一個超過過full day嘅service我哋。
婚禮化妝造型
最新優惠
聯絡商戶