我哋搞婚禮成日都聽到前嗰期啲新聞話D一站式服務婚禮服務公司，一"奶"嘢就一鑊熟，所以我都盡量搵啲唔同vendor。好好彩我哋揀親全部都冇問題。我哋都係婚展搵到Butter Jam幫我哋拍片，佢哋sell嘅過程都係好smooth，唔會太多人出嚟拉客，你有興趣佢先出嚟同你講。 我哋都係喺婚展傾咗一大輪之後就落咗訂。我哋係俾攝影風格吸引到，因為佢老細係一個英皇明星叫陳家樂，唔知佢係有份搞定有份投資，好似都話佢有時會出嚟幫手影。但係我哋決定揀Butter Jam就唔係因為佢，係因為佢哋一路都播緊一啲佢哋幫英皇拍嘅MV，同埋幫新人拍嘅早拍晚播，我覺得佢用MV呢個模式嚟拍，個感覺好啱我哋，我哋都好鍾意。佢哋攝影師其實喺埋現場做簽約，所以我哋簽約同當日出現嘅crew都係一樣，所以我哋都認識咗佢哋。隊crew有Simpson，King，Justin同Tony，佢哋都好好。 其實佢哋好用心影相，有啲位佢哋嘅鏡頭同角度都要就到好正先得。不過，我哋big day之後嘅感覺就係佢哋嘅time management可以再做好D，可以適當哋down返grade少少，時間再掌握好少少。不過其實時間都係大家互相遷就，佢哋真係好有heart影。