我係喺婚展度搵到呢間舖頭，係樓上舖嚟嘅。我同我先生對結婚戒指冇話有咩好高要求，最主要都係揀吓款式同睇價錢，我哋都睇過好多間，最順眼就係呢間。 佢哋service都ok嘅，俾到好多意見我哋。我心目中對個款都有啲諗法，我講完俾佢哋聽，佢哋就拎返一堆款俾我睇，最後我再揀到隻戒指。個款係少少交叉型，上面有啲碎石。 因為佢哋話佢哋公司嘅戒指係每個客度身做嘅，幫我哋度咗指圈之後，就做一隻全新嘅模出嚟俾我哋試，試完啱之後再打磨同鑲石，就話完全冇俾第三者再試過。拎到戒指之後嘅質量都ok，同我預期嘅一樣，冇太大特別。包裝都係正常，冇話特別靚。其實我對結婚戒指冇咩特別要求，而整體嚟講，呢間舖頭嘅service同對戒指我都好滿意！