佢地係一班有heart同埋跟得好好既既90後後生仔，完全做到我老婆既要求。因為我老婆係design 人，所以對呢D 美術野好有要求，但係佢地都可以跟足曬我地既要求，出到黎既design 同本身既要求一致。傾既過程感受到佢地好肯接受人地既意見，雖然有D位未必明白，但都有盡力做到D圖出黎，而且有D 位佢地覺得做唔到或者可以改善既都有提出。最後有部份既圖係我老婆整左D圖出黎比佢地細執，但整體跟得不錯。

呢間deco公司係我朋友介紹。我揀佢係因為價錢平，因為酒樓係會有少少Deco喺後面，但係我就想整個花花牆嚟遮住佢個電視機，整花牆出面搵開都過萬，但唯獨佢嗰間六千幾就可以整到，仲要包埋門口啲deco。 當中negotiate嘅過程佢哋回覆得比較慢。Whatsapp係你會見到佢已讀不回，冇反應嗰啲，有次好炆問佢可唔可以覆一覆我，佢先覆話唔好意思佢好忙。其實個服務係冇嘢嘅，不過如果你係比較心急嘅人就唔會太鍾意。可能佢哋太多單，跟本覆唔切。