我全日換左6個妝，最滿意應該係出門個妝，因為好襯套褂，唔會化得好紅，個頭又札得好細緻，我有預備定Ｄ頭花，佢都可以用到Ｄ花襯我個妝！佢全日態度都好好，因為連我換衫都有幫手，有時佢未必全程係我隔離，會比低個補妝袋我個姊妹，又會教埋佢點幫我執！

Xing係我舊同事嘅朋友，佢嘅Style係比較簡單優美，走法式路線。試妝第一次見面，覺得佢都friendly同nice，俾到好多意見我，所以試妝都覺得交俾佢係放心。我好怕啲人化到我好白，因為我本身已經白，佢化得我妝感好自然。但係到我結婚當日，我覺得個妝係有出入。 其實試妝唔會可以試哂所有妝，佢都比較多花款，到最後出門嗰個頭未必係我最滿意嘅髮型，我會覺得係can do something else，maybe something better。因為冇試過呢個頭，都係試一個大概感覺，到現場用咩design用咩花都唔到我控制。其實髮飾冇問題，係髮型唔係我最鍾意。同埋當時冇咁覺，係睇返相就覺得如果感覺整齊啲會更好。其實佢做得非常之好，不過例如個唇好紅係我話要，但係睇返啲相出嚟就覺得太紅，如果可以俾我再改就未必會咁樣化。 佢係serve我9個鐘，一定cover唔到我朝早到夜晚，中間有啲時間佢會走咗。例如佢幫我化完妝，我出門到男家呢段時間佢會唔喺度，去男家之前佢會等一等幫我補少少。但係我出門係喊咗，冇人幫我補妝，都係自己頂一頂。由女家去男家上車落車個髻散散哋，所以中間段時間就冇人幫我執。