本身我諗住pre-wedding喺香港影，始終香港土生土長。自己都唔係鍾意小清新、大草原嗰啲，我鍾意啲有味道啲嘅嘢。原本諗住香港搵人影，但後尾就見到有個台灣攝影師叫良大，咁啱佢哋又有同我租婚紗嘅Alisha & lace有合作。我係俾佢啲相吸引咗先，佢唔係少女味嗰啲，全部都係有性格，亦都唔係浮誇嗰啲。我好buy佢個理念係，你影一張結婚相，你要擺喺屋企好耐，擺幾耐你都唔會睇得厭。佢係影最真實一面，佢嘅攝影技巧都好吸引到我，光暗影得超靚，影出嚟嘅style係cool嗰啲嚟嘅，基本上我成輯相一張都冇笑。因為佢哋有tag返婚紗店，後尾就發覺原來我想租嗰間Alisha & lace香港都有，就勁開心即刻去租。 我facebook message良大，我分別message良大同Alisha，到後尾試衫傾開先知原來佢哋有package，就一次過搞掂。我揀完衫都有send俾佢哋睇，佢哋其實都係好有性格嘅攝影團隊，如果你揀完衫佢覺得唔係佢哋style，佢哋會唔要，有機會會叫你揀過。不過我就so far都勁smooth。 我5月7號去到見一見攝影師，8號休息，9號就影。佢有分幾個package，分鐘數同埋影幾多個style。我揀咗9個鐘影3套，包兩個studio，另加室外，去陽明山影。我同攝影師互動同溝通係非常之好。其實我都知佢style，都有信任。我對相質素係有要求，但係我係唔會自拍，亦都係影相唔識笑嘅人。一開始影已經進入狀態，佢嘅指示都十分清晰。我起初係聯絡攝影師老婆penny，我哋全程都好啱傾，好開心。有啲人影婚紗相好辛苦，但我影完係完全唔攰。 佢當日影完都有俾preview我睇，我都覺得啲相好靚，已經唔洗點執。 我覺得好滿意係因為佢哋係會send佢哋理念俾你，所有嘢都清晰明確，指名係你啱呢個理念先好揀佢。佢哋好仔細好周到，好多朋友話攝影師講一大輪都唔知佢講咩，但係良大係講得好清楚手點放腳點放，影一下就中，完全唔會覺得攰，唔會hold住一個位好耐。我哋係ahead schedule完成到個shooting。