哩個評語真係要個人冷靜左幾日先可以寫到，因為真係一個好差嘅體驗，希望大家可以三思哩間店。 客服： 當初系fb搵到佢了解，基本上都有求必應，果陣大概係22年12月，我想要舒服啲天氣同埋想要星期六（私人原因必須要星期六）所以問左佢可唔可以一年後大概23年10月影同埋其他一啲問題佢通通say yes，所以就約上去見面了解亦都落訂，佢同我講影前一個月會叫我地去試衫。到左果個時間（23年9月）上去試衫，老實說衫款式唔多，佢掛出黎就好多但全部都係系佢揀俾你果幾件入面揀，最後就傾埋啲細節，其早一項係租車，我地已表明唔洗租，因為我地都係7人車，之後佢話哩個價錢係包埋司機方便影相果陣睇車，我地諗左一陣決定搵有車牌朋友幫手未得囉(唔好同我講出得黎影相唔好慳果少少錢，每個人都有自己預算，自己做到嘅野無須要破費)，佢亦都有講過如果要租車要而家俾埋錢，最終我地係決定搵朋友幫手淨係俾埋婚紗相尾數，俾哂錢搞掂哂佢先同我地要改期推遲一日（原先係10月28日）原因係攝影師海外拍攝完要休息一日，我地都打左個突隨即問仲有冇其他日子嘅星期六，佢話要12月先有。其實已經興興地，我地一年前已經book左星期六都可以去唔成，假設海外拍攝係比我地早book咁我俾訂果陣已經可以同我講唔得，佢冇咁講姐係海外拍攝係比我地遲訂，咁點解唔系人地落訂果陣即刻通知我，而要系我影相前一個月俾哂尾數先講等我冇得即刻揀返啲接近嘅日期呢？肉隨砧板上，唯有改哂所有自己原本計劃聽佢講推遲一日。

拍攝當日，我地先上去化妝，同化妝師講下講下先知佢地唔知我地自己揸車，佢勁大聲「下」左我一聲之後就去左同攝影師咬耳仔，5分鐘後攝影師黑哂面咁隊左個電話俾我話客服個女仔搵我，對話如下： 「乜你地今日自己揸車咩？」 「係呀。上次試衫果陣傾好左自己揸嘛。」 「冇喎，你冇講過喎。」 「有呀，仲同你講會搵朋友幫手揸架嘛。」 「唔係囉。你冇講過喎。無野啦，你俾返攝影師聽。」 哩個對話完左之後成個氣氛勁凝重，化妝師同攝影師都唔講野。 我就問「做咩事？你地之前未試過啲客自己揸車架咩？佢咁嘅情緒我好驚喎，一陣仲要合作成日」佢為左唔搞到咁薑一野賴哂落攝影師到「唔係呀，佢有起床氣咋嘛….」再不斷開話題，但哩一刻真係又委屈又嬲，完全唔知因為咩事可以嬲到咁。到後期我系哩到睇到啲評論先搵到答案，原來租車嘅司機正正係攝影師本人，佢因為賺唔到個租車錢所以咁嬲，而租司有司機睇車哩個講法一律只係吹水，而我地叫左朋友黎都用唔著，因為佢都係叫我地泊入停車場。臨出發前，著鞋果一刻客服先衝出黎問我地影唔影煙花，會靚啲，一百蚊一包。產品唔係問題，但發現佢嘅手法永遠都系你冇得避冇得揀嘅情況下先問你/通知你，避重就輕咁去表達一啲隱藏收費（當中仲有細微位未提及的例子）。

化妝師： 佢嘅作品我不評論，都係一個正常新娘裝。評語在於佢人品同性格同買緊菜啲師奶無誤。上面提及因為朋友唔洗幫手睇車所以選擇陪我成個拍攝，每當我地傾偈佢都會即刻走去我地身邊搭咀，如果佢走黎但聽唔切會係咁「做咩？做咩？講緊咩？」我同朋友都怕左佢之制決定唔多講野睇手機IG，佢一見到我朋友睇到某啲Post就會「嘩！邊個咁多哩啲……」真係極之反感。最後我諗住完哂之後車我朋友返屋企，佢係咁叉把咀埋黎「唔洗送啦，兜黎兜去咁遠，你車到佢去XX車站未得囉，佢果到返去仲近啦。」如是者我拒絕聽佢講，佢堅持係咁講，死都要我聽佢咁做，令到朋友都好尷尬廢是我難做聽左佢講，最後先知原來佢住果區又唔想攝影師等得耐，所以逼我朋友同佢一齊落。 攝影師： 簡直係終極大佬。黑面，肉酸，自私，態度極差，務求令你處於一個最尷尬氣氛，全程真係俾佢喝狗咁喝，聽唔明佢指示喝得仲勁，鐘意以取笑，大聲去指引你地影相，一影完就自己走唔會理你地步速，黎黎去去都係得四套公式去影，如果心情好可以俾多兩個動作俾你，作為客唔洗話一定要乜都照顧我，但都不至於唔理，只擔心個伙伴（化妝師），當我地去廁所佢要我地開住部車冷靜俾化妝品舒舒服服坐系到等，到左第二個拍攝場地果到勁多蚊，我唔想辛苦朋友，叫佢系車到等，攝影師又搭咀「你想焗死佢咩，落黎行下啦」我：「開冷氣未得」佢直接skip我連同化妝師一齊逼我朋友一齊行。更多不能盡錄嘅受氣事….. 目前我未睇作品亦都再冇心機去睇，真係一次超差嘅體驗，都多謝睇左我個千字文，希望各位準婚人士睇住，唔好再去哩間中伏。

剛上到去這公司，佢地好似好有禮貌地與你溝通，俾你睇完啲參考相片之後，即刻問你邊一日可以影相，會叫你即刻Mark日子😟人性化啲嘅手法係會叫你諗吓，如果啱就再過嚟。揀衫同決定地點當日，本人話咩都想影下，點知就開始出事，因為冇講清楚要影邊一間屋仔、邊一棵樹、近鏡定遠鏡多啲、要邊一啲角度、多藍天定少藍天、無比參考圖，結果影出嚟嘅，有半輯相入面嘅人都係細細粒，尼半輯相張張相都係視視正正，十分standard，朋友拎住部手機都影到嘅角度🙄 無乜近鏡sweet 相，甚至有啲係out focus 。只可以話影相角度好普通。

旗袍相相對係有少少心思，問題不大。奇怪在是同一個攝影師，但兩輯相嘅效果好大分別😶 到揀相入相簿部分，除左Package 包括嘅相，每張精修相片，收你$2xx。當我哋揀緊一啲唔要嘅相，不放入相簿，個職員仲話其他人唔會咁樣幫我地減相，心諗，唔通我300幾張相都放晒入去咩😑

帶咗紀念物品去影，點知一張相都未影到就已經被整唔見，當時我係講唔緊要，因為都已經搵唔番，亦無打算追究。到後來，向職員提及上面陳述的相片質素問題，及整唔見客人物品事情，他們是有道歉，但係，佢係尼一刻先同我講，當時其實有解決方法，就係係公司拎一個比我影住先。其實我更加嬲，如果當刻係有解決方法，你唔即時同我講？行唔行得通係另一個問題。而紀念品嘅野，都可以借住俾我先？一定好有feel😂佢地偏偏係我問起嘅時候才咁樣回應！定係即時諗出嚟嘅回應？ 無咩事，唔值得係度影相，佢地嘅style 就係Ig 嘅角度，唔好有期望（尤其是婚紗相）。