結婚戒指我搵咗Marry Me，我見佢哋專做對戒，而且好似好多嘢都可以俾我自己揀，就先上網預約，再去佢哋朗豪坊附近嘅office度。上到去，佢哋簡介吓之後就俾我哋自己揀。佢嗰度有好多parts（花呀, 唔同嘅模之類）俾我哋自己玩，好似砌Lego咁。你可以整2隻完全一樣，又可以完全唔同，全部都係睇你自己點玩。我自己之前都睇過好似i-primo呢啲大牌子嘅設計，我覺得呢邊都做到，感覺係集各家之大乘。至於想要複雜啲都可以俾idea佢哋幫我出design圖。我自己就上到去先諗，覺得又唔一定要諗定，因為佢都會俾好多以前整過嗰啲款我哋睇，可以揀個鐘意嘅再去做fine tune。 唯一要提提嘅就係如果想prewedding嗰時有對戒指影相就真係要早啲去造，因為總共要做2次fitting。第一次係就係類似起到3D打印模時去試一次，之後就送入廠造先再有第2次fitting。我唔知係咪我無睇定係點，我覺得佢哋promotion同marketing多啲就更好，因為唔多人認識佢哋，我自己都好多朋友無聽過。我覺得佢哋都唔係貴，又有售後服務，仲送洗戒指水俾我哋同教我哋點保養戒指，呢出面嗰啲大舖都唔會有。

我係喺Facebook見到Marry me啲款幾特別，因為我哋想要啲特別啲嘅戒指，就揀咗佢。之後我聯絡佢哋，佢就話可以上去佢哋鋪頭睇，可以介紹返啲適合嘅款俾我哋。佢哋鋪頭喺大角咀，上樓嘅。 上到去，serve我哋嘅係一對夫婦，先生負責同客人傾，太太負責design。佢都有介紹啲款俾我哋，仲問我哋有咩想放喺戒指度，有冇咩圖案同意思，逐樣問我哋。佢哋好肯聆聽我哋嘅意見，聽完再幫我哋諗吓隻戒指有咩可以加，有咩可以特別少少放喺隻戒指上面。我先生就唔想隻戒指有石，佢想plain啲；女仔當然就想要特別啲，最終我隻戒指揀咗係有石嘅有幾粒細細卡嘅石，每粒20份。我哋對戒指互相刻咗對方個名，同埋有結婚日期，我覺得好特別！佢哋價錢都好合理，反而我覺得周生生周大福就真係唔值嗰個價錢！ 如果佢哋可以有門市就更好，因為上去佢哋度係上樓同要book時間，咁每次就得一pair人。我知佢哋係有個concept想開一間呢啲小店，不過可能要靠幫襯過嘅人去介紹，靠口碑。如果佢哋可以做多啲宣傳，等多啲新人認識佢哋！