Vincent係越南裔的法國攝影師，想黎香港develop事業，係一個比較新既攝影師。我係fb見到，因為佢始終係法國影開，所以同香港既感覺好唔同，而且佢地又想build portfo 所以就sponsor咗我哋影咗一輯相。 我地影咗一日，係山頂同西環碼頭。呢兩個地方係佢提議，因為係對呢兩個地方好有興趣，而我地都覺得ok，所以就係呢兩個地方影。佢係風格偏fine art，影出黎似油畫，都幾小清新。而且佢拎幾角度都好特別，係睇外國雜誌先會咁影。佢鍾意大自然景，會用法國既風格，同香港既風格唔同但都好靚。雖然佢淨係講英文，但佢助手係香港人，都會幫手翻譯。不過美中不足係佢地個陣就搵到Partner化妝，所以要自己出去搵化妝師。另外，本身拍攝前一日我地prepare咗繡球花，但點知當日已經謝咗，佢兩個都好好咁幫我地係中環搵咗繡球花。 我地總共影咗6、7個鐘，中間無食飯，但佢地無要求食飯或者話攰，真係影足咁耐。影相質素好滿意，因為風格唔同，好自然，亦無咁易同其他人撞。例如喺西環碼頭，佢會叫我地係卡板既窿度望出黎，真係好特別。雖然語言溝通有少少困難，但佢都唔會放棄，盡量同我地表達意見。