呢個場好超新，我地係第2 pair係個度擺酒！我就係鍾意佢新場！ 因為我之前同先生去親戚度飲，都係clubone，個陣已經好鍾意個地方，好鍾意個格局，所以我就上網搵曬佢全部既場。我個陣直接打過去clubone搵尖東既負責人就係Kelvin，佢真係非常好，佢話我本身個日都有其他客揀，但因為我有特別需要，一定要個日擺酒，然後佢見我好有誠意，就推咗其他客，後來就真係比曬成個場我。佢仲會同我傾個幾兩個鐘頭教我結婚既野，佢提我出門個啲細節，有話我聽正常結婚要換幾多套衫，咁啱佢太太又係做婚紗既，咁佢就好熟悉。我之前成日都帶唔同人上去睇個場，佢每次見到我都會招呼我同我親友，服務好好。 雖然阿爸話啲嘢唔好食，麻麻地，但係其他人都話ok既。Big day個日有兩個係女仔，全程都跟實我，又餵我食野，因為我化緊妝，而且我去到邊都會幫手拎住我裙尾，真係好好。