呢個化妝師一直都有留意到佢。本身佢話冇位嘅，但後來機緣巧合之下又有返😂

我係book咗兩個試妝嘅，係試Joyce先第二日再試第二個，本來要即日決定join唔join, 但佢知道我約咗第二個都話比我返屋企諗下先！

我有兩條裙唔知點揀好, 佢都幫我揀埋，妝容都係佢睇完裙之後就知道我適合乜嘢，同佢相處好似朋友咁😻我big day果日係咁喊，佢見仲有時間就幫我重新上妝！又會同我講點樣可以喊得好睇少少😆有時間又會幫我補妝！

我係動新聞見到有介紹過佢，見佢好專業又有經驗，仲係老細黎，又開班，好多手下，所以搵咗佢。 佢studio都大既，不過係荃灣，有少少難搵。佢都比到專業既意見同態度我，不過佢就比較cool，好少講笑。 Big Day當日，佢去錯我屋企，其實應該係去酒店先啱既，可能係佢記錯，咁佢飛的過黎，但又入咗我數！我姊妹有啲都唔夠時間整，搞到披頭散髮，佢本身promise我夜晚幫我姊妹整返，但到夜晚又話要另外收錢。我奶奶其實係無整頭，但佢都照收錢，因為佢話噴咗gel都叫整咗，我姊妹完咗件事就同我呻返。佢帶咗一男一女助手，開頭都化得幾仔細，但後來就越來越Hea。我本身big day前有同佢開會，我就話要頭飾，但後來我睇相我先知佢無幫我整，問佢佢又話係因為頭紗會卡住，但係其實佢一早就知道我會有頭紗，但最後都照收我800蚊頭飾錢。