朋友介紹Katie Little Workshop比我嘅,我話想要花、田園嘅感覺🌸Katie好專業,覆message覆得好快,完全唔需要擔心進度問題。佢哋設計好特別,同其他公司好與別不同,唔會淨係諗一塊板點樣做,而係諗成個台嘅效果係點!一開始會問我budget,喺可以控制budget嘅情況下畀到idea我,亦有額外送枱上嘅佈置畀我。因為我哋由零開始設計,有時新人未必好啲自己想要咩,如果佢可以畀多啲idea我哋睇就更好!之前有畀個draft我哋睇,其中一次有大改動,我自己冇乜特別idea,我見到Katie嗰段時間做過一個幾靚嘅design,我好鍾意,就基於嗰個design去做改動。我哋傾過兩次,佢畀咗好多時間去諗設計,出嚟成品好滿意好靚!佢哋係唔用template,每一個婚禮都係精心設計、tailor made👏🏼
Katie Little Workshop 多D tailor made嘅野,對比其他公司,唔會咁standardized,因為我地唔鐘意剩係喺個套餐入面揀。嗰陣都聽佢地講話佢地嘅野係唔會翻用,所以吸引到我地去揀呢間公司。我地本身無咩idea話想點樣擺點樣整,咁佢地服務幾好,聽完我地想法,provide first draft ,都幾岩我地本身嘅想法,同埋都present到我地個故事👍🏻
我地主要都係面談去溝通,亦清楚佢地package,佢地收費都好透明,係大家一開始講好哂,跟住再睇下點樣加多減小。 我覺得Katie都幾細心,唔係淨係俾一兩個選擇我地,係會俾6-7個options,然後再by elimination 咁決定用邊一個form, 咁係幾好。中間溝通再去修改,佢地速度唔算特別快或者特別慢,係acceptable。 我地搵左Katie Little Workshop 整兩個main backdrop,都係以簡單為主題,仲有都係standard 嘅 guest table decoration, photo booth嗰D,出到黎個效果,賓客都講返話係幾靚、幾好,同埋都話覺得特別D,唔會係好罐頭嘅產品😝唯一可以進步就係佢地QC要好少少,應該要double check D 細item,因為嗰日發現個Welcome board串錯字,不過都係小問題!其實淨係嗰個item比較rush漏左,大backdrop嗰D全部都睇過哂! 當日我都無時間去留意佢地,但係佢地都好自動波,完全唔使我去follow,同埋佢同我地擺酒場地都夾得到。 整體黎講都ok,無咩問題😊