因為我老公個哥哥結婚搵咗Katie幫手，我地當時已經覺得佢畫畫好靚，個backdrop係手繪畫上去，畫工好好，同一般print出來的foam board 冇得比，所以我地結婚就搵返佢！因為我老公對design要求高，係經過佢審核之後先搵Katie既，哈哈！ 雖然佢得自己一個人，但都搞得好好。我一共有兩個backdrop，一個係蝴蝶樹，一個係紫色屋頂。蝴蝶樹係主ballroom既backdrop，呢個backdrop係立體逐隻蝴蝶痴上去行成一棵樹，每隻蝴蝶都係用硬卡紙摺，打燈落去每隻蝴蝶既影就會投射係個backdrop度，然後更將呢個design套用咗係我地請帖嘅封面！另外，因為我想要家的感覺，同埋我話我鍾意紫色，咁出面reception個backdrop就用咗紫色屋頂個design。我覺得成件事真係唔容易，我真係無咩preference，我老公本身用laptop整咗個少少心目中個樣，然後間屋仔都傾咗好耐～ 其實仲有第三個backdrop就係我行ceremony個陣，Katie話想幫我慳錢，幫我整雪紡布，然後幫我整個名係上面，之後仲有兩條羅馬柱，擺啲盆栽係旁邊，然後所有材料都可以一雞兩味，真係非常好！佢甚至自己同酒店溝通，我一啲都唔洗擔心，同埋佢都會親自黎監場。`因為佢係one man brand嘛，所以都要搵人幫手貼蝴蝶，連佢老公都有黎做！！真係好好！