呢間係朋友介紹，所以應該唔錯，就揀咗佢地。 攝影師叫Kay，佢知我地係去迪士尼，我book佢嗰日就即刻扮唐老鴨聲講嘢氹我，我覺得仍好投入到帶到個氣氛。因為結婚好多煩瑣嘢要搞，其實嗰排心情都唔係咁好嘅，不過佢都幫我解決到好多問題，又好耐心。 因為我Big day當日個時間都好趕，佢地都解釋咗比我聽啲片可能唔可以咁快剪到片比我地，但佢都應承咗會print返某啲當日朝早影嘅相比我地，咁我都覺得ok。唯獨是佢地個printer嘅質素可能就差咗少少，print出嚟比賓客嘅相都比較偏向灰暗咗少少同偏向深紫色。之後我再拿返啲相再印其實就係冇問題嘅，主要係printer問題。 之後我地睇相都覺得好surprise，好多朋友都話影得好好。另外，video啲剪接做到好好，感覺睇隻碟好似仲開心過睇現場咁，好似每一刻都好精彩全部都係happy moment咁。少少美中不足係佢地會比個dropbox link我地download返啲相嘅。不過因為佢條link set咗限期，如果過咗就要等返佢原裝d相。而且佢地執相都用咗好長時間，不過明白嘅，因為相片質素真係好好。