我同我朋友之前去過呢間My Seasons - My Harbour食飯，食嗰時都覺得幾浪漫，同埋覺得裝修唔錯，之後就開玩笑話不如結婚係到擺酒！ 後來真係決定結婚之後就開始搵場地，我哋都特登睇吓呢間D package，當時拎左Ｄ單張睇，佢哋寫住全包七萬幾，我哋覺得好平，影出嚟D相又好靚！所以之後去婚展就去左四季薈個booth度睇，當時係May serve我地，因為我好中意個場，所以最後揀咗呢度！我大概7萬幾for 80個人，大約8圍左右。 佢地Ｄ食物好好食，尤其係個時May主動介紹個甜品改做3.6牛乳燉奶，真係好掂，Ｄ朋友個個都話個好食，比其他酒樓好，係好可惜我老公要趕送客食唔到！另外，我join佢地個package，可以好似車仔面咁，又唔同婚禮服務都可以加。我加左錢要big day化妝，但當日個妝同我係試妝有Ｄ唔同，可能溝通得唔好，當日係試妝個頭無係big day出現，雖然有Ｄ可惜，但可能覺得襯埋big day D衫覺得試妝個頭未必啱我！ 我特別想讚吓我地個consultant May，佢好似緊張到自己結婚咁，好上心，例如因為走個時驚Ｄ賓客唔識離開啓德，阿May係直程自己帶路，跟得好好！我跪低比茶時detail位又提我，我未留意到既佢已經做好，仲有個MC Carson，都係My Seasons安排，我Ｄ朋友話個MC好好，Ｄ人以為係好熟朋友，個幾個月溝通既過程佢係秒回既人，同佢見過一次面傾過就記得我同我先生故事！