搵Big day當日攝影嗰時我都做好多research，睇咗好多攝影師嘅style啱唔啱先決定，最後就選擇咗Mary Ann。嗰時都無話特別要邊個攝影師，咁啱Jacky佢有檔期所以就係由佢幫我哋影。我覺得因為Jacky佢同我哋年紀差唔多，所以都幾啱傾！ 佢哋嘅服務都好好，confirm package後就特登邀請我哋去studio meet up傾吓同睇吓大家夾唔夾到。Big Day之前一段時間個主攝影師又約我哋食餐飯，聽吓我哋點樣由拍拖行到結婚，攞啲拍攝靈感。我覺得佢哋嘅拍攝角度好好，又識講嘢令啲氣氛好好。好似我同我老公其實原本都會有啲尷尬，但佢哋好識引導大家嘅情緒，影出嚟啲相效果好好，我哋對影出嚟啲相都好滿意。 不過宜家已經貴咗好多，要＄26800！好在我big day嘅年幾前已經搵定佢哋。雖然唔平，但係要呢種質素真係要呢啲價錢嘅，我可以話佢哋呢種quality真係羸晒！