因為有朋友推薦咗Fanny俾我地，所以我地就去咗佢既Fanny Fong Make Up and Hair Setting Artist度試妝。試妝嗰陣Fanny一啲都唔馬虎，會試曬妝同髮型。😃 因為效果比我地之前試過既另一間自然同靚好多，所以我地就即刻決定左揀佢。化妝師都幾細心，會問我地鍾意咩style既妝，Big day當日都會根據返我地既花球同衫既款式去幫我地造型。當日佢跟得好足，外影都會跟埋黎，又會幫我地用手機影相send返俾我地。同埋佢當時大住肚都肯接我地job真係好好🙏🏼。當日落雨兼佢大住肚都跟埋我地去外影，仲會同攝影師傾下我地擺既pose，真係好盡責👍🏼。佢化妝都好準時，完全無delay。除咗Fanny之外，佢仲有助手幫埋姊妹同長老們化妝，我地兩個媽媽都好滿意啊。

我見到Fanny嘅page，好耐之前朋友都有同我提起過佢，之後搵佢試妝。佢係一個好快手搞掂嘅化妝師，經驗又好豐富，喺緊迫嘅情況下識執生，知道咩moment會漏左d咩。因為始終我係第一次，無經驗，結婚當日差d漏左個花球，好彩Fanny醒起提我地，幫到我地好大忙！佢性格好爽朗，說話比較直接，會好直接同我講點樣會比較好，點樣無咁好，我唔太鍾意無乜主見嘅化妝師，所以Fanny好適合我！可能佢份人比較直，唔會有擦鞋位，如果佢可以婉轉DD，可能會有更多新娘子鍾意佢，所以我都戥佢好唔抵，成日好易比人誤會 😢我無特別request化妝、髮型要求，因為佢經驗好多，所以我好相信佢💪🏽我買左d首飾、頭飾影左相比佢睇，佢睇完後就幫我襯返適合嘅配搭、妝容😌 無論化妝、set頭，每一次都轉得好快，所以好滿意👍🏽👍🏽！