Lukas係朋友介紹俾我哋，初時係完全唔識佢。之後我哋就上網再睇吓佢嘅相，就發現Lukas係好出名！我哋覺得佢嘅藝術家觸覺好強烈，所以後來即使我哋去試衫揀衫，都會send俾佢睇下過下目，想等佢用專業嘅審美觀俾啲comments我哋～u3000

另外，佢幫我地arrange到個好勁嘅化妝師Zinc，我知係好難book但佢都book到，真係好好。

影相嗰日好熱！但係佢哋真係好專業，即使係暴曬下都好專業咁幫我哋影相。佢個人都好funny，會好似朋友咁同我哋講下笑，一齊食lunch嗰陣又會咩到傾吓，令到成個影相過程都好舒服。同埋佢會lead到我地擺pose，等我哋影出嚟啲樣可以好自然。

我覺得Lukas佢最特別嘅地方係影緊嘅時候，你唔會估到效果出到嚟係點，好有驚喜！平時D攝影師，可能你都會大概預計到出嚟啲相會點樣，但係Lukas你真係會估唔到出嚟個效果會咁。例如～有張相我哋影嘅時候係就咁散開D絲帶，但係原來佢後期係將兩張相重疊埋，好特別，亦都係我哋完全預計唔到，比我哋想像中靚！佢可以將香港都影到好似外國咁，係我最鍾意嘅一套pre wedding

～我地真係好滿意！

我地揀地點個時都唔肯定點揀，佢地有教我地點排地方同有咩特色，最後定左大浪灣，山頂同石澳！影個日個妝都算自然既，本身佢個package包化妝，但我之前無去試妝，去到影個日先第一次試，都係自然同清新為主，比較近我想要既！Lukas影Ｄ相睇出來都係比較天然，無話好誇張個種咁！揀相個時都好多相想要，係執相個時我地想執走Ｄ嘢佢地都唔介意，例如，想有Ｄbackground遮左佢，佢地都好肯幫我執。我地喺big day嗰日睇翻Ｄpre wedding相，發現有幾張想再執，佢地都肯！影個日我地準備左Ｄ氣球諗住揸住影，但真係好大風，佢地都影唔到Ｄ氣球係直線飛起咁，不過係天氣問題無得怪既！可能每pair新人結婚都比較緊張會問好多嘢，但佢地可能覺得我地太過緊張，所以覆得比較慢既，不過我都明白佢地已經好nice!