最初我哋係喺facebook見到廣告，加上佢個位近我同我老公返工地方，所以就上去睇。當時一上到去佢哋個職員Kim就好熱心咁問我哋想要咩風格，佢亦對應住嗰種風格比好多啱我哋口味嘅設計我哋睇，最尾就訂咗一套西裝一套禮服，加上佢哋公司係tailor made，好多都可以比我哋揀😍😍雖然我哋淨係上過去試咗一次身，但拎貨嗰陣就準到唔洗改可以直接拎走。我老公整完之後真係好靚，所以我帶埋我爸爸去整，但因為我爸爸佢第一次整，好緊張，但阿Kim就好識做，令到佢無咁緊張，最後爸爸都好滿意！最後仲幫爸爸襯埋條吠先走！做完大概兩個星期就可以去拎，佢價錢同質素真係成正比，質素好好！同埋過咗bigday我要燙裇衫，就會見到佢哋啲料係好好，唔係好似普通連鎖店咁。阿Kim佢態度好好，因為我老公有次唔小心整爛咗件衫拎上去整，佢哋都好nice，仲要無收我哋錢。我老公中意呢間公司中意到之後去買多幾套裇衫西裝添！

我哋係上網搵到佢哋，見佢哋都幾出名～ 原本我老公諗住自己唔係成日著西裝，就打算只係做千幾蚊一套，不過最後佢都揀咗套二千幾～

我覺得佢哋好細心，度身度咗成半個鐘，又執下啲對稱位，又會問好多唔同嘅嘢，例如係平時會唔會帶錶之類，如果會就做多兩吋等佢著落舒服啲等等～

大約三個星期左右就拎到西裝，質素亦都好好。