KEVOLIE
4.8
香港九龍尖沙咀金巴利道50號
2626-9388 / 2732-2911
最新評論
整體滿意度
4.8
過濾評語:
Fourlum
5
精選評論
服務 / 婚宴日期: 2018.02.10      
我本身識kev,所以容易D揀衫,同埋有小小優惠,幾點加埋就決定揀喺佢地度租衫。老婆都鍾意佢地D款式,特別係之前岑麗香著個款。

係佢地度試衫既時間服務態度超好,2個同事跟得好足。款式同質素都好好,因為有係其他舖頭度睇過同試過,同其他牌子或者自家婚紗舖比較,就知道Kevolie D 衫既質素好好。摸得出D質地好硬淨,D 內龍既料都好好,因為婚紗普遍要束腰同打底,但佢地既衫入面可以乜都唔洗著已經好fit。不過佢地既衫可能得2個size,本身要岩身先著到佢哋舖啲衫。至於頭先提過嘅舖頭,係因為老婆total租咗3套衫,2套係kevolie 租,第3套係一間上環唔記得名既舖頭租,但係對嗰間舖印象真係好差,都廢事再多講。

講返 Kevolie,我覺得除咗啲衫款式同質素好,喺舖頭入面試衫感覺都好舒服,地方夠大服務又好。試身室係真係一間房黎,唔係隨便拉簾既房,我又可以坐係出面嘅梳化度等老婆試完衫出黎。出到黎又已經有鏡可以即刻睇到好多details,同埋店入面既燈光好舒服,唔會陰陰暗暗,所以佢地都好值得推介。 閱讀更多
婚紗禮服租借
ipjustin
4.5
精選評論
服務 / 婚宴日期: 2017.12.16      
我係胡杏兒間KEVOLIE訂造咗胡定欣條視后裙,同我哋喺迪士尼個紫色皇室環境婚宴theme係好襯。其實之前我睇萬千星輝賀台慶胡定欣攞獎嘅時候,見到佢著住條裙出嚟就已經覺得好靚,後來睇報紙見到胡杏兒開婚紗鋪,可以租或訂造條裙,所以就訂咗!條裙真係九十九點九都一樣,只不過佢係白色底,我做咗紫色底,襯翻個紫色燈光。

Serve我嗰同事叫Anson,佢服務超好,我有少少麻煩,但我麻煩極佢啲服務都係超好超貼心。首先做起咗條裙,我就嫌啲閃閃唔夠多,我有點強迫症而且用咗若干價錢去訂做,就好仔細咁將自己條製成品同胡定欣嗰條去對比有冇咩位唔同。對完之後我就發現係啲閃閃唔夠多,就問可唔可以加翻多啲閃閃係條裙度,佢都okay!佢冇話覺得點解我咁多要求,而且好快手就即刻幫我搵師傅去做,滿足我嘅要求。佢哋都好貼心,係真正做條裙之前佢哋先做咗個樣板比我,等我去睇睇鐘唔鐘意,例如呢個配搭同埋上身啱唔啱著,先至正式縫製條裙。我覺得呢個步驟好重要,因為如果啲顏色配搭你係唔鐘意就直接整咗條裙出嚟,而你又比咗錢整,整咗出嚟又唔係自己鐘意嗰樣,咁就大家都唔開心。佢仲會定時定候係你要去fitting嘅日子打比你,真係仲細心過我~我自己有時都唔記得咗啲日子。
閱讀更多
婚紗禮服選購
聯絡資料
2626-9388 / 2732-2911
info@kevolie.com
最新優惠
聯絡商戶